ନୂଆଁଖାଇ ପାଇଁ ଘର ବାହୁଡା
![](https://samajalive.in/wp-content/uploads/2023/09/00-10.jpg)
କେସିଙ୍ଗା : ନୂଆଁଖାଇ ପଶ୍ଚିମ ଓଡିଶାର ଏକ ଗଣପର୍ବ। ନୂଆଁଖାଇବା ପାଇଁ ଲଗ୍ନ ଧାର୍ଯ୍ୟ ଠାରୁ ଆରମ୍ଭ ହୋଇଯାଏ ପ୍ରସ୍ତୁତି। ଘରେ ଘରେ ଆନନ୍ଦର ଆସର। କାରଣ ଯେତେଦୁରେ ଯିଏ ଥାଉ ପଛେ ନିଜ ଘରକୁ ବାହୁଡିବେ। ପରିବାରର ସମସ୍ତେ ଏକାଠି ହେବେ। ରାଜ୍ୟର ବିଭିନ୍ନ ଜିଲ୍ଲାରେ କାର୍ଯ୍ୟ କରିବା ସହ ପଶ୍ଚିମ ଓଡିଶାର ବହୁ ଲୋକେ ବାହାର ରାଜ୍ୟରେ କାମ କରି ଗୁଜରାଣ ମେଣ୍ଟାଇଥାନ୍ତି। କେତେକ ଶିକ୍ଷିତ ବର୍ଗ ଭଲଭଲ କମ୍ପାନିରେ କାମ କରିଥାନ୍ତି ତ କେତେକ ସରକାରି ଚାକିରି। ଅନ୍ୟମାନେ ଶ୍ରମିକ ଭାବରେ କାମ କରି ପରିବାର ପୋଷଣ କରନ୍ତି। ନୂଆଁଖାଇ ଆସିବା ମାତ୍ରେ ସମସ୍ତେ ନିଜ ଘରେ କେମିତି ପହଁଚିବେ ବ୍ୟବସ୍ଥା ଆରମ୍ଭ କରିଦିଅନ୍ତି। ରେଳଗାଡି ହିଁ ଏମାନଙ୍କ ପାଇଁ ଏକମାତ୍ର ମାଧ୍ୟମ ହୋଇଥାଏ। ତେଣୁ ପଶ୍ଚିମ ଓଡିଶା ଦେଇ ଚଳାଚଳ କରୁଥିବା ରେଳଗାଡି ମାନଙ୍କରେ ପ୍ରବଳ ଭିଡ ଦେଖାଯାଏ ଏହି ସମୟରେ। କେସିଙ୍ଗା ରେଳଷ୍ଟେସନରେ ଘର ବାହୁଡାଙ୍କର ଭିଡ ବେସ୍ ବାରି ହୋଇ ପଡୁଛି ଓ ଏହା ବୟାନ କରୁଛି ନୂଆଁଖାଇ ପାଇଁ କେତେ ବ୍ୟାକୁଳ ପଶ୍ଚିମ ଓଡିଶାବାସୀ। ନିଜ ପର୍ବକୁ କେତେ ଆନ୍ତରିକତାରେ ଭଲ ପାଉଁ ଆମେ।
Comments are closed.