କାମାକ୍ଷାନଗର : କାମାକ୍ଷାନଗର ମହାବିଦ୍ୟାଳୟ ସଭାଗୃହରେ ଅଧକ୍ଷ ମଙ୍ଗଲୁ ନାଏକଙ୍କ ସଭାପତିତ୍ୱ ରେ “ମୁଁ ବି ମିତା” ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଉପଜିଲ୍ଲାପାଳ ନାରାୟଣ ଚନ୍ଦ୍ର ନାଏକ ଉପସ୍ଥିତ ରହି ଛାତ୍ରଛାତ୍ରୀ ମାନେ କିପରି ନିର୍ବାଚନରେ ନିଜ ନିଜର ମତ ସାବ୍ୟସ୍ତ କରିବେ ଏବଂ ନିଜର ନାମ ପଞ୍ଜୀକରଣ କରିବେ ପ୍ରକାଶ କରିଥିଲେ। ସହକାରୀ ଜିଲ୍ଲାପାଳ ଦୀପକ କୁମାର ମିଶ୍ର ପାୱାର ପଏଣ୍ଟ ସାହାଯ୍ୟରେ ଛାତ୍ରଛାତ୍ରୀ ମାନେ କିପରି ନିଜ ମୋବାଇଲରେ ଆପ ମାଧ୍ୟମରେ ନିଜ ନିଜର ଏବଂ ଅନ୍ୟମାନଙ୍କର ନାମ ପଞ୍ଜିକରଣ କରିପାରିବେ ବୁଝାଇଥିଲେ। ଅଧ୍ୟାପକ ପ୍ରଦୀପ କୁମାର ମହାପାତ୍ର ଅତିଥି ପରିଚୟ ଦେବା ସହ ସଭା ପରିଚାଳନା କରିଥିଲେ । ଅଧ୍ୟକ୍ଷ ଅତିଥିଙ୍କୁ ସ୍ୱାଗତ କରିବାସହ କାର୍ଯ୍ୟକ୍ରମ ସମ୍ପର୍କରେ ସୂଚନା ପ୍ରଦାନ କରିଥିଲେ। ଶେଷରେ ପ୍ରାଧ୍ୟାପକ ଶ୍ରୀକାନ୍ତ କୁମାର ପ୍ରଧାନ ଧନ୍ୟବାଦ ଅର୍ପଣ କରିଥିଲେ ।ଏହି କାର୍ଯ୍ୟକ୍ରମରେ ଅଧ୍ୟାପକ ସତ୍ୟନାରାୟଣ ମିଶ୍ର, ଅଧ୍ୟାପକ ଡ଼ଃ ଶ୍ରୀବସ କୁମାର ସାହୁ, ଅଧ୍ୟାପକ ଶରତ ଚନ୍ଦ୍ର ବେହେରା, ଅଧ୍ୟାପକ ରଶ୍ମିରଞ୍ଜନ ସେନାପତି, ଅଧ୍ୟାପକ ରଘୁନାଥ ନାୟକ, ଅଧ୍ୟାପକ ଅଜୟ କୁମାର ବେହେରା, ଅଧ୍ୟାପିକା ତାରନାମ ବାହାର, ଅଧ୍ୟାପିକା ପ୍ରିୟଦର୍ଶିନୀ ନାୟକ, ଅଧ୍ୟାପିକା ଜ୍ୟୋତିର୍ମୟୀ ବେହେରା ଉପସ୍ଥିତ ଥିବା ବେଳେ ମେଜର ଦିଲ୍ଲୀପ କୁମାର ସାହୁ, ଶିକ୍ଷା କର୍ମଚାରୀ ଶରତ ରାଉତ, ସ୍ଵପ୍ନେଶ୍ଵର ସାହୁ ପରିଚାଳନାରେ ସହଯୋଗ କରିଥିଲେ।
Comments are closed.