ପାଟଣା : କେନ୍ଦୁଝର ଜିଲ୍ଲା ଢେଙ୍କିକୋଟ ନିକଟସ୍ଥ ବରବେଡା ହାଟ ପିଣ୍ଡି ଠାରେ ରବିବାର ଘଟଗାଁ ବ୍ଲକ ବିର୍ସା ମୁଣ୍ଡା ମାର୍ଶାଲ ହୋ ଆକଳା ପକ୍ଷରୁ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଦିଲ୍ଲୀ ଭାଷା ଆନ୍ଦୋଳନକାରୀଙ୍କୁ ସମ୍ବର୍ଦ୍ଧନା ପ୍ରଦାନ କରାଯାଇଛି । ଗତ ଅଗଷ୍ଟ ୨୧ ତାରିଖ ଦିଲ୍ଲୀର ଯନ୍ତର ମନ୍ତର ଠାରେ ହୋ ଭାଷାକୁ ସମ୍ବିଧାନର ଅଷ୍ଟମ ଅନୁଛେଦରେ ସାମିଲ କରିବା ପାଇଁ ଆନ୍ଦୋଳନ କରାଯାଇଥିଲା। ଏଥିରେ କେନ୍ଦୁଝର ଜିଲ୍ଲା ହୋ ସମାଜ ପକ୍ଷରୁ ରାମରାୟ ମୁନ୍ଦିଆ, ଜଳଧର ଶିରକା, ନାରାୟଣ ପୁର୍ତ୍ତୀ, ରଥ ମୁଣ୍ଡା, ଚମ୍ବାବତୀ ଶିରକା, ରେଞ୍ଜର ପୁର୍ତ୍ତୀ, ସୁବାସ ପାଳିଆ, ମିଥୁନ ମୁଣ୍ଡା, ଘନଶ୍ୟାମ ବାରିକ, କୃଷ୍ଣ ଚାମ୍ପିଆ ଆନ୍ଦୋଳନ ରେ ଯୋଗ ଦେଇଥିଲେ। ଏହି ଅବସରରେ ରବିବାର ବିର୍ସା ମୁଣ୍ଡା ମାର୍ଶାଲ ହୋ ଆକଳା ବ୍ଲକ ସଭାପତି ପ୍ରହଲ୍ଲାଦ ଗାଗରାଇଙ୍କ ସଭାପତିତ୍ବରେ ଅନୁଷ୍ଠିତ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି । ବୈଠକରେ ବ୍ଲକ ଉପଦେଷ୍ଟା ପାଣ୍ଡବ ଚାତମା, ତରା ସରପଞ୍ଚ ଚୁନାମଣି ହେମ୍ବ୍ରମ, ପଇଦାପାଟଣା ସରପଞ୍ଚ ମୁକୁନ୍ଦ ମୁଣ୍ଡା, ଗୋବିନ୍ଦ ମୁଣ୍ଡାଙ୍କ ସହ ବ୍ଲକର ୨୭ଟି ପଞ୍ଚାୟତର ସଭାପତି ଓ କର୍ମକର୍ତ୍ତା ଯୋଗ ଦେଇ ଦିଲ୍ଲୀ ଭାଷା ଆନ୍ଦୋଳନରେ ଯୋଗ ଦେଇଥିବା କର୍ମକର୍ତ୍ତା ସମ୍ବର୍ଦ୍ଧିତ କରିଥିଲେ।
Popular Categories
Previous article
Next article