ରେଙ୍ଗାଲିକ୍ୟାମ୍ପ: ପ୍ରଜାପିତା ବ୍ରହ୍ମକୁମାରୀ ଈଶ୍ୱରୀୟ ବିଶ୍ୱବିଦ୍ୟାଳୟ ଅତାବିରା ସେବାକେନ୍ଦ୍ର ଠାରେ ରକ୍ଷା ବନ୍ଧନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମକୁ ସେବାକେନ୍ଦ୍ର ସଂଚାଲିକା ଭଉଣୀ ବନିତା ସଂଯୋଜନା କରିଥିଲେ। ସେବା କେନ୍ଦ୍ରରେ ଉପସ୍ଥିତ ଥିବା ସମସ୍ତ ଭାଇ ଭଉଣୀଙ୍କ ହାତରେ ରାକ୍ଷୀ ବାନ୍ଧି ଭାଇ ଓ ଭଉଣୀଙ୍କ ମଧ୍ୟରେ ବନ୍ଧୁତ୍ୱ କୁ ଦୃଢ଼ କରିଥିଲେ। ତାଙ୍କର ଉଜ୍ବଳ ଭବିଷ୍ୟତ ପାଇଁ ଈଶ୍ୱରଙ୍କ ଠାରେ ପ୍ରାର୍ଥନା କରିଥିଲେ। ଭାଇ ମାନେ ମଧ୍ୟ ଏହି ବନ୍ଧନର ମୂଲ୍ୟବୋଧକୁ ରକ୍ଷା କରିବାର ସଂକଳ୍ପ ନେଇଥିଲେ। ଏହା ପରେ ଥାନା ଓ ଏନଏସି କାର୍ଯ୍ୟାଳୟକୁ ପହଞ୍ଚି ଥାନା ଅଧିକାରୀ, ଅଧ୍ୟକ୍ଷ ଓ କର୍ମଚାରୀଙ୍କ ହାତରେ ରାକ୍ଷୀ ବାନ୍ଧି ପ୍ରସାଦ ବଣ୍ଟନ କରିଥିଲେ। ପାହାଡ଼ ଶ୍ରୀଗିଡା, ସିଂହପାଲି, ବାବେବିରା, ଭୋଇପୁରା, ନୂଆପଡା, ପିଠା ପୋଟଳ ଠାରେ ଥିବା ପାଠଶାଳାରୁ ଭାଇ ଭଉଣୀ ମାନେ ଆସିଥିଲେ। ବ୍ରହ୍ମ କୁମାର ମଛିନ୍ଦ୍ର, ଗୋକୁଳା, ଫକୀର, ମନୋରଞ୍ଜନ, ତ୍ୟାଗୀ, ପଞ୍ଚାନନ, ପ୍ରତିମା ପ୍ରମୁଖ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article