ବାଉଁଶୁଣି: ବୌଦ୍ଧ ଜିଲ୍ଲା ବାଉଁଶୁଣି ଥାନା ଅନ୍ତର୍ଗତ ଜମଘାଟି ଗ୍ରାମରେ ବିଭତ୍ସ ହତ୍ୟାକାଣ୍ଡ। ଗାଁ ଦାଣ୍ଡରେ ବଡଭାଇ ଚକ୍ରଧର ପ୍ରଧାନ (୪୫)କୁ କୋଦାଳରେ ପିଟି ପିଟି ହତ୍ୟା କଲା ସାନ ଭାଇ। ବୌଦ୍ଧ ଜିଲ୍ଲା ବାଉଁଶୁଣି ଥାନା ଜମଘାଟି ଗ୍ରାମର ଦୁଇ ଭାଇ ଚକ୍ର ପ୍ରଧାନ ଓ ମକର ପ୍ରଧାନ ମଧ୍ୟରେ କୌଣସି କାରଣକୁ ନେଇ ବଚସା ହୋଇଥିଲା। ଏଥିରେ ସାନ ଭାଇ ମକର ପ୍ରଧାନ ଉତକ୍ଷିପ୍ତ ହୋଇ ହାତରେ ଧରିଥିବା କୋଦଳରେ ବଡ଼ ଭାଇ ଉପରକୁ ଆକ୍ରମଣ କରିଥିଲା। ବଡ଼ ଭାଇ ଚକ୍ରଧର ପ୍ରାଣ ବିକଳରେ ଗାଁ ଦାଣ୍ଡରେ ଦୌଡି ପଳାଇବାକୁ ଚେଷ୍ଟା କରିଥିଲେ ବି ଏଥିରେ ବିଫଳ ହୋଇଥିଲା। ହତ୍ୟାକାରୀ ସାନ ଭାଇ ମକର ପ୍ରଧାନ ଗାଁ ଦାଣ୍ଡରେ ଗୋଡ଼ାଇ ଗୋଡ଼ାଇ ପିଟି ହତ୍ୟାକରିଥିବା ଜଣାପଡିଛି। ଘଟଣାସ୍ଥଳରେ ବାଉଁଶୁଣି ପୋଲିସ୍ ପହଞ୍ଚି ଅଭିଯୁକ୍ତ ସାନଭାଇ ମକର ପ୍ରଧାନକୁ ଗିରଫ କରି ମୃତଦେହକୁ ଜବତ କରିଛି। ତେବେ କେଉଁ କାରଣରୁ ହତ୍ୟାକାଣ୍ଡ ଘଟିଛି ଏନେଇ ପୋଲିସ୍ ଅଧିକ ତଦନ୍ତ କରୁଥିବା ବେଳେ ଘଟଣାସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚି ଛାନଭିନ୍ ଆରମ୍ଭ କରିଛି।
Popular Categories
Previous article
Next article