ଫୁଲବାଣୀ: ହାଇଦ୍ରାବାଦର ଏକ କମ୍ପାନୀରେ କାମ କରୁଥିବା କନ୍ଧମାଳ ଜିଲାର ଫିରିଙ୍ଗିଆ ବ୍ଲକର ଜଣେ ଯୁବକ ଆତ୍ମହତ୍ୟା କରିଛନ୍ତି। ମୃତକ ଜଣକ ହେଲେ ରତଙ୍ଗ ପଞ୍ଚାୟତ ଅଧୀନରେ ଥିବା ଯୋଡାପଡା ଗାଁର ଭୋଲେଶ୍ବର ମୁଖ୍ ଓରଫ ପିଣ୍ଟୁ। ଅନ୍ୟପଟେ ପିଣ୍ଟୁ ଆତ୍ମ ହତ୍ୟା କରିଥିବା ଘଟଣାକୁ ପରିବାର ଲୋକେ ସହଜରେ ଗ୍ରହଣ କରିପାରୁନଥିବା ବେଳେ ପିଣ୍ଟୁର ମୃତ୍ୟୁକୁ ନେଇ ନାନା ସନ୍ଦେହରେ ରହିଛନ୍ତି ପରିବାର ଲୋକେ। ମୃତ ପିଣ୍ଡୁ ପ୍ରାୟ ପାଞ୍ଚବର୍ଷ ହେଲା ନିଜ ସ୍ବୀ ଓ ଦେଢ଼ବର୍ଷର ଝିଅ କୁ ନେଇ ହାଇଦ୍ରାବାଦର ନାଳ ଗୁଣ୍ଡା ଥାନା ଅଧୀନରେ ଥିବା ଜିବିଆର ନାମକ ଏକ ବେସରକାରୀ କମ୍ପାନୀରେ କାମ କରିଆସୁଥିଲେ । ଏହି ଘଟଣାକୁ ନେଇ ସେହି ନାଲଗୁଣ୍ଡା ଥାନାରେ ଏକ ଅପମୃତ୍ୟୁ ମାମଲା ରୁଜୁ କରି ପୁଲିସ ଘଟଣାର ତଦନ୍ତ କରୁଛି। ପିଣ୍ଟୁ କାମ କରୁଥୁବା କମ୍ପାନୀ କର୍ତ୍ତୃପକ୍ଷଙ୍କ ସହାୟତାରେ ମୃତଦେହଗାଁକୁ ଅଣାଯାଉଛି ବୋଲି ପରିବାର ପକ୍ଷରୁ ସୂଚନା ଦିଆଯାଇଛି । ଅନ୍ୟପଟେ ପିଣ୍ଟୁଙ୍କୁ ହତ୍ୟା କରାଯାଇଥିବା ନେଇ ପରିବାର ପକ୍ଷରୁ ଅଭିଯୋଗ କରାଯାଇଛି। ପିଣ୍ଟୁଙ୍କ ପରିବାର ସହ ମିଶି ହାଇଦ୍ରାବାଦରେ ରହି କାମ କରୁଥିବା ମାମୁଁ ଶଶୁର ସୁନୀଲ ନାଏକଙ୍କୁ ଥାନାରେ ଅଟକ ରଖି ପୁଲିସ ପଚରା ଉଚୁରା ଜାରି ରଖୁଛି।
Comments are closed.