ସମ୍ବଲପୁର : ସମ୍ବଲପୁରର ଉପକଣ୍ଠସ୍ଥ ସଦର ଥାନା ଅର୍ନ୍ତଗତ ମାନେଶ୍ୱରର ମିର୍ଗାମୁଣ୍ଡା ନିବାସୀ ପ୍ରେମାନନ୍ଦ ବାରିକଙ୍କ ଘରୁ ୨୦ ତାରିଖ ସନ୍ଧ୍ୟାରେ ଏକ ଦାମୀକିଆ ମୋବାଇଲ, ୨୫୪୦ ଟଙ୍କା ସହିତ ଏଟିଏମ କାର୍ଡ, ଚାଳକ ଲାଇସେନ୍ସ ସହିତ ଅନ୍ୟାନ୍ୟ କାଗଜପତ୍ର ଚୋରି ହୋଇଯାଇଥିଲା। ଏ ସମ୍ପର୍କରେ ଅଭିଯୋଗ ହେବାରୁ ସଦର ପୁଲିସ ମାମଲା ସଂଖ୍ୟା ୨୩୨/୨୦୨୩ ରୁଜୁ କରି ଘଟଣାର ତଦନ୍ତ ସମୟରେ ଠେଲକୋପଡା ନିବସୀ ଶୁଭମ ଚଷା ଓରଫ କ୍ରୁର ସିଂ ଙ୍କ ସମେତ ଜଣେ ନାବାଳକଙ୍କୁ ଧରିଛି। ସେମାନଙ୍କ ନିକଟରୁ ଚୋରି ହୋଇଥିବା ଟଙ୍କା, ମୋବାଇଲ ସମେତ ସମସ୍ତ ସାମଗ୍ରୀ ଜବତ କରାଯାଇଛି। ଏଥି ସହ ସେମାନଙ୍କ ନିକଟରୁ ଏକ ବାଇକ ଓ ଏକ ସ୍କୁଟିକୁ ମଧ୍ୟ ପୁଲିସ ଜବତ କରିଛି। ମୁଖ୍ୟ ଅଭିଯୁକ୍ତ ଶୁଭମଙ୍କୁ ଗିରଫ କରାଯାଇ ଅଦାଲତକୁ ଚାଲାଣ କରାଯାଇଥିବା ବେଳେ ନାବାଳକଙ୍କୁ ଜୁଭେନାଇଲ ଅଦାଲତ ସମ୍ମୁଖରେ ଉପସ୍ଥାପନ କରାଯାଇଛି।
Comments are closed.