ହରଭଙ୍ଗା : ହରଭଙ୍ଗା ବ୍ଲକ ଶଙ୍କୁଲେଇ ପଂଚାୟତ ଅନ୍ତର୍ଗତ ମଲ୍ଲିକପଡା ଗ୍ରାମର ଗୁପ୍ତେଶ୍ୱର ଗାଈଗୌରୀଆ ଭଳି ଜଣେ ଭତ୍ତା ହିତାଧିକାରୀଙ୍କ ଗୋଡ ଭାଙ୍ଗିଯାଇଥିବାରୁ ସେ ଚାଲିବୁଲି ନପାରି ଘରେ ଶଯ୍ୟାଶାୟୀ ଅବସ୍ଥାରେ ପଡିରହିଥିଲେ। ଯାହାଫଳରେ ଗତ ମେ ମାସ ଠାରୁ ବ୍ୟାଙ୍କରୁ ପଇସା ଉଠାଣ କରିନପାରି ବହୁତ ଦୁଃଖକଷ୍ଟରେ ଚଳୁଥିଲେ। ଏଭଳି ଏକ ଶୀର୍ଷକ ଖବର ସୋମବାର ‘ସମାଜ’ରେ ପ୍ରକାଶ ପାଇଥିଲା। ଖବର ପ୍ରକାଶ ପରେ ହରଭଙ୍ଗା ବି.ଡି.ଓଙ୍କ ନିର୍ଦ୍ଦେଶ କ୍ରମେ ଆଜି ସ୍ଥାନୀୟ ଜିଆରଏସ ମିନାକ୍ଷୀ ପାତ୍ର ଗୁପ୍ତେଶ୍ୱରଙ୍କ ଘରେ ପଂହଚି ତାଙ୍କ ଠାରୁ ବ୍ୟାଙ୍କ ପାସବୁକ ଏବଂ ଆଧାରକାର୍ଡ ନେଇଥିଲେ। ଧଳପୁର ବ୍ୟାଙ୍କଙ୍କୁ ଏ ସର୍ମ୍ପକରେ ଜଣାଇବା ପରେ ବ୍ୟାଙ୍କ କର୍ତ୍ତୃପକ୍ଷ ଗୁପ୍ତେଶ୍ୱରଙ୍କ ଘରେ ପଂହଚି ୧୬ ହଜାର ୫ଶହ ଟଙ୍କା ପ୍ରଦାନ କରିଥିବା ଜଣାପଡିଛି। ଏହି ଟଙ୍କା ପ୍ରଦାନ ସମୟରେ ସ୍ଥାନୀୟ ଯୁବକ ରଣଜିତ ପଲ୍ଲିଆ ଉପସ୍ଥିତ ଥିଲେ। ସମାଜର ଏହି ପ୍ରୟାସକୁ ଗୁପ୍ତେଶ୍ୱର ଧନ୍ୟବାଦ ଜଣାଇଛନ୍ତି।
Comments are closed.