ସମ୍ବଲପୁର: ସମ୍ବଲପୁରର ଉପକଣ୍ଠସ୍ଥ କଳାମାଟି ପଞ୍ଚାୟତର କଦମପଡ଼ା ନିବାସୀ ପରଦେଶୀ ନନ୍ଦ (୭୮) ଅନେକ ବର୍ଷ ହେବ ପକ୍ଷାଘାତରେ ଆକ୍ରାନ୍ତ ରହିଛନ୍ତି। ତାଙ୍କର ଧର୍ମପତ୍ନୀ ଭୂମି ନନ୍ଦ ମଧ୍ୟ ବାର୍ଦ୍ଧକ୍ୟ ଜନିତ ଯନ୍ତ୍ରଣାରୁ ଆଉ ଦିନ ମଜୁରିଆ ରୂପେ କାର୍ଯ୍ୟ କରି ପାରୁ ନ ଥିବାରୁ ସେମାନେ ଆର୍ଥିକ ଅଭାବ ମଧ୍ୟରେ ଗତି କରୁଛନ୍ତି। ସେମାନେ ରହୁଥିବା ଚାଳ ଘର ମଧ୍ୟ ଲାଗାଣ ବର୍ଷା ଯୋଗୁଁ ନଷ୍ଟ ହୋଇଯାଇଥିବା ବେଳେ ସେମାନେ ଦୈନନ୍ଦିନ ସମସ୍ୟା ସହିତ କଷ୍ଟରେ ଜୀବନଯାପନ କରୁଛନ୍ତି। ସେମାନଙ୍କର ସମସ୍ୟା ସମ୍ପର୍କରେ ଅବଗତ ହେବା ପରେ ମାଁ ସମଲେଇ ଚାରିଟେବଲ ଟ୍ରଷ୍ଟ ପକ୍ଷରୁ ରବିବାର ଏହି ବୃଦ୍ଧ ଅସହାୟ ଦମ୍ପତ୍ତିଙ୍କୁ ୫ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି। ଏଥି ସହ ସୋମବାର ପ୍ରଶାସନ ନିକଟକୁ ଯାଇ ସେମାନଙ୍କର ସମସ୍ୟାର ସ୍ଥାୟୀ ସମାଧାନ ପାଇଁ ଟ୍ରଷ୍ଟ ପକ୍ଷରୁ ଉଦ୍ୟମ କରାଯିବ ବୋଲି ନିର୍ଭର ପ୍ରତିଶୃତି ପ୍ରଦାନ କରାଯାଇଛି। ଏହି ମାନବୀୟ ସେବା କାର୍ଯ୍ୟରେ ନିଶିକାନ୍ତ ବିଶ୍ୱାଳ, ଆଲୋକ ମହାକୁର, ଆଶିଷ ସାହୁ, କାହ୍ନୁ ଚରଣ ଷଡଙ୍ଗୀ, ସବିତା ଆଚାର୍ଯ୍ୟ, କବିତ ପୁରୋହିତ, ଦିପିକା ପ୍ରଧାନ ଓ ବିରେନ୍ଦ୍ର ସାହୁ ପ୍ରମୁଖ ଉପସ୍ଥିତ ରହିଥିଲେ।
Popular Categories
Previous article
Next article