ଫୁଲବାଣୀ: ରକ୍ତଦାନ ଅଭିଯାନକୁ ସଫଳ କରିବା ଓ ସମସ୍ତଙ୍କ ମଧ୍ୟରେ ସଚେତନ ସୃଷ୍ଟି କରିବା ଉଦେ୍ଧ୍ୟଶରେ ଗତ ୨୦୨୨ ମସିହା ଅକ୍ଟୋବର ୧ ତାରିଖରୁ କଲିକତାରୁ ସାଇକଲ୍ ଯାତ୍ରା ଆରମ୍ଭ କରିଥିବା ଜୟଦେବ ରାଉତ ଆଜି କନ୍ଧମାଳ ଜିଲାର କୋଟଗଡ଼଼ରେ ପହଞ୍ଚିଥିବା ବେଳେ କୋଟଗଡ଼଼ ଠାରେ ତାଙ୍କୁ ଭବ୍ୟ ସ୍ୱାଗତ କରାଯାଇଛି। କୋଟଗଡ଼଼ ଠାରେ ବାପୁଜୀ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଓ ଯୁବ ରେଡ଼କ୍ରସ ସଂଯୋଜକ ପ୍ରକାଶ କୁମାର ପାଣିଗ୍ରାହୀ ଏବଂ ବିଦ୍ୟାଳୟର ସମସ୍ତ ଅଧ୍ୟାପକ ଓ କର୍ମଚାରୀ ଏବଂ କଳାଶ୍ରୀ ଯୁବ ସଂସଦର ସଭାପତି ମନୋଜ କୁମାର ସାବତ ଓ ଅନ୍ୟ କର୍ମକର୍ତ୍ତା ମାନେ ଏଥିରେ ସାମିଲ୍ ହୋଇଥିଲେ। କୋଟଗଡ଼଼ ବଜାରରେ ଶ୍ରୀ ରାଉତଙ୍କୁ ସ୍ୱାଗତ ଓ ସମ୍ବର୍ଦ୍ଧନା କରାଯାଇଥିଲା। ବର୍ତ୍ତମାନ ସୁଦ୍ଧା ସେ ୧୪ଟି ରାଜ୍ୟ ଗସ୍ତକରି ଏହି ପ୍ରଚାର ବାର୍ତ୍ତା ବାଣ୍ଟିଥିବା ସେ ପ୍ରକାଶ କରିଛନ୍ତି।
Popular Categories
Previous article
Next article