ରେଙ୍ଗାଲିକ୍ୟାମ୍ପ : ଅତାବିରା ବ୍ଲକ ଗୋଡ଼ଭଗାରୁ ରେଙ୍ଗାଲିକ୍ୟାମ୍ପ ଛକ ପର୍ଯ୍ୟନ୍ତ ପ୍ରାୟ ନିତିଦିନିଆ ଦୁର୍ଘଟଣା ଘଟି ଚାଲିଛି । ଟ୍ରାଫିକ ବ୍ୟବସ୍ଥା ନ ଥିବା ତଥା ଦ୍ରୁତଗାମୀ ଯାନ ବାହନ ଗୁଡ଼ିକର ବେଗ ନିୟନ୍ତ୍ରଣ ପାଇଁ ପୁଲିସ କିମ୍ବା ପରିବହନ ବିଭାଗ ପକ୍ଷରୁ କୌଣସି ଦୃଢ଼ ପଦକ୍ଷେପ ନିଆ ଯାଉ ନଥିବା ଯୋଗୁଁ ପ୍ରତିଦିନ ଛୋଟ ବଡ଼ ଦୁର୍ଘଟଣା ଘଟି ଚାଲିଛି ବୋଲି ଅଭିଯୋଗ ହେଉଛି। ଆଜି ସକାଳ ପ୍ରାୟ ୮ ଟା ସମୟରେ ଅତାବିରା ଦେଇ ଯାଇଥିବା ୫୩ ନଂ ଜାତୀୟ ରାଜପଥ ତହସିଲ ଅଫିସ ଛକରେ ବରଗଡ଼ ଅଭିମୁଖେ ଯାଉଥିବା ଏକ ଟ୍ରକ ସେହି ଦିଗରେ ଯାଉଥିବା ଆଉ ଏକ ପିକଅପ୍ କୁ ଧକ୍କା ଦେବା ଦ୍ୱାରା ରାସ୍ତାରେ ନିଜ ଘରକୁ ଫେରୁଥିବା ଜଣେ ବାଇକ ଆରୋହୀ ଓ ପଛପଟେ ବସିଥିବା ତାଙ୍କ ଭାଣିଜି ଦୁର୍ଘଟଣାର ସମ୍ମୁଖୀନ ହୋଇ ଗୁରୁତର ହୋଇଛନ୍ତି। ସମ୍ପର୍କୀୟ ତଥା ଉପସ୍ଥିତ ଜନସାଧାରଣଙ୍କ ସହାୟତାରେ ସ୍ଥାନୀୟ ଡାକ୍ତରଖାନାକୁ ତାଙ୍କୁ ନିଆ ଯାଇଥିଲା। ଗୁରୁତର ମାନେ ହେଲେ ଅତାବିରା ଏନଏସିର ୱାର୍ଡ ନଂ ୧ ମାର୍କେଟ ପଡାର ପ୍ରିୟବ୍ରତ ସାହୁ(୨୮) ଓ ପ୍ରୀତି ସାହୁ (୧୫) ଗୁରୁତର ହୋଇଛନ୍ତି। ଡାକ୍ତର ବିଳମ୍ବରେ ପହଞ୍ଚି ଥିବାରୁ ଡାକ୍ତରଖାନାରେ ଜଣ ସାଧାରଣଙ୍କ ଭିତରେ ଉତ୍ତେଜନା ଦେଖାଦେଇଥିଲା। ତେବେ ଏହି ଦୁର୍ଘଟଣାକୁ ରୋକିବା ପାଇଁ ଟ୍ରାଫିକ ବ୍ୟବସ୍ଥା କରିବା ପାଇଁ ଜନ ସାଧାରଣରେ ଦାବି ରହୁଛି।
Comments are closed.