ଚାନ୍ଦିପୁଟ : ଗଜପତି ଜିଲ୍ଲା ମୋହନା ବ୍ଳକ ଅନ୍ତର୍ଗତ ଚନ୍ଦ୍ରଗିରି ସ୍ଥିତ ଆଦୀମ ଜନଜାତିଙ୍କ କାର୍ଯ୍ୟାଳୟ ସୈରା ଉନ୍ନୟନ ସଂସ୍ଥା ପରିସରରେ ସ୍ବେଚ୍ଛାକୃତ ରକ୍ତଦାନ ଶିବିର ଓ ବୃକ୍ଷ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ସଂସ୍ଥାର ସ୍ବତନ୍ତ୍ର ପଦାଧିକାରୀ ବନମାଳୀ ଭୁଆଁ ଆନୁଷ୍ଠାନିକ ଭାବେ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଓଡ଼ିଶା ଆଦୀମ ଜନଜାତି ସଶକ୍ତିକରଣ ଓ ଉନ୍ନତିକରଣ କାର୍ଯ୍ୟକ୍ରମ (ଓପିଏଲଇପି), ଓଡିଶା ଆଦୀମ ଜନଜାତି ପୋଷଣ ଉନ୍ନତିକରଣ କାର୍ଯ୍ୟକ୍ରମ (ଓପିଏନଆଇପି) ସମେତ ଏସଡବ୍ଳୁଡବ୍ଳୁଏସ ସଂସ୍ଥାର ମିଳିତ ସହଯୋଗରେ କାର୍ଯ୍ୟକ୍ରମରେ ଅନୁଷ୍ଠିତ ହୋଇଯାଇଛି । ବିଭିନ୍ନ ଅଞ୍ଚଳରୁ ଆସିଥିବା ବ୍ୟକ୍ତି ମାନଙ୍କ ଦ୍ଵାରା ମୋଟ ୫୨ ୟୁନିଟ ରକ୍ତ ସଂଗୃହିତ ହୋଇଥିଲା । ଭାରତୀୟ ରେଡ଼କ୍ରସ୍ ସୋସାଇଟି ପାରଳାଖେମୁଣ୍ଡିରୁ ଏକ ଟିମ୍ ଆସି ରକ୍ତ ସଂଗୃହୀତ କରିଥିଲେ।
ପରିଶେଷରେ ବୃକ୍ଷ ହିଁ ଜୀବନ ଉଦ୍ଦେଶ୍ୟରେ କାର୍ଯ୍ୟାଳୟ ପରିସରରେ ସାପେଟା, ଲେମ୍ବୁ, ଆମ୍ବ, ଆଦି ଫଳ ଗଛ ଚାରା ରୋପଣ କରାଯାଇଥିଲା। ଏଥିରେ ଓପିଏଲଇପି ପରିଚାଳକ ଶ୍ରୀଧର କୁମାର ସାହୁ, ପି. ଅଶୋକ ବାବୁ, ଅରୁଣ କୁମାର ପଣ୍ଡା, ମୁରଲୀଧର ଚୌଧୁରୀ,ସୁଦାମ ବେହେରା ପ୍ରମୁଖ ଉପସ୍ଥିତ ରହି ସହଯୋଗ କରିଥିଲେ।
