ଗୁରୁଡିଝାଟିଆ : ଗୁରୁଡିଝାଟିଆର ବିଭିନ୍ନ ସ୍ଥାନରେ ବୃକ୍ଷଚାରା ରୋପଣ କରାଯାଇଛି। ଭୋଗୋରା ଉଚ୍ଚ ପ୍ରାଥମିକ ବିଦ୍ୟାଳୟରେ ବୃକ୍ଷରୋପଣ କରାଯାଇଛି । ବିଦ୍ୟାଳୟ ପ୍ରଧାନଶିକ୍ଷକ ବିଭୂ ପ୍ରସାଦ ମହାପାତ୍ରଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ବୃକ୍ଷ ଚାରା ରୋପଣ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ଅଜିତ୍ କୁମାର ଦାସ ମୁଖ୍ୟ ଅତିଥି ଭାବରେ ଯୋଗଦେଇ ଚାରାରୋପଣ କରିବା ସହ ପରିବେଶ ସୁରକ୍ଷା ଦିଗରେ ଗଛର ଉପକାରିତା ସଂପର୍କରେ କହିଥିଲେ। ପୂର୍ବତନ ପ୍ରଧାନଶିକ୍ଷକ ଶ୍ରୀଧର ସ୍ୱାଇଁ, ଶିକ୍ଷୟିତ୍ରୀ ଦିପ୍ତିମୟୀ ପଣ୍ଡା, ଦିପ୍ତିମୟୀ ଦାସ, ବିଦ୍ୟାଳୟ ପରିଚାଳନା କମିଟି ସଭାପତି ସୁବଳ ମହାନ୍ତି ଓ ବିଦ୍ୟାର୍ଥୀମାନେ ଉପସ୍ଥିତ ରହି ବିଦ୍ୟାଳୟ ପରିସରରେ ଚାରାରୋପଣ କରିଥିଲେ।
ସ୍ୱେଚ୍ଛାସେବୀ ସଂଗଠନ ଦ୍ୱାରା ବୃକ୍ଷ ଚାରା ରୋପଣ
ଟିମ୍ ଅଲୱଜ ହେଲ୍ପ ଅଦରସ୍ ସଂଗଠନ ପକ୍ଷରୁ ନିଧିପୁର ଗଡା ନିକଟରୁ ଅନନ୍ତପୁର ପର୍ଯ୍ୟନ୍ତ ରାସ୍ତା ପାର୍ଶ୍ବରେ ଚାରା ରୋପଣ କରାଯାଇଛି । ଲିଙ୍କନ ସାହୁଙ୍କ ପ୍ରତ୍ୟେକ୍ଷ ତତ୍ୱାବଧାନରେ ଅନୁଷ୍ଠିତ ଚାରା ରୋପଣ କାର୍ଯ୍ୟକ୍ରମରେ ଭାଗ୍ୟଦୀପ ଥାଟୋଇ, ରାକେଶ ପ୍ରଧାନ, ଗୌତମ ପ୍ରଧାନ, ମେଘନାଦ ବେହେରା, ତପନ କୁମାର ପ୍ରଧାନ ଓ ମନୋଜ କୁମାର ପଣ୍ଡା ପ୍ରମୁଖ ଉପସ୍ଥିତ ରହି ରାସ୍ତାପାର୍ଶ୍ବରେ ବୃକ୍ଷଚାରା ରୋପଣ କରିବା ସହିତ ଗ୍ରାମବାସୀଙ୍କୁ ବ୍ୟାପକ ଚାରାରୋପଣ କରିବା ପାଇଁ ବୁଝାଇଥିଲେ।
Comments are closed.