କାମାକ୍ଷାନଗର : ଓଡିଶା ବାଟାଲିୟନ ଏନ ସି ସି, ଢେଙ୍କାନାଳ ୧ ୨ର ମାର୍ଗଦର୍ଶନରେ ସାରଙ୍ଗଧର ଉଚ୍ଚ ବିଦ୍ୟାଳୟ, କାମାକ୍ଷାନଗରର ଜାତୀୟ ସମର ଶିକ୍ଷାର୍ଥୀ ବାହିନୀ ତରଫରୁ ବିଭିନ୍ନ କାର୍ୟ୍ୟକ୍ରମ ଅନୁଷ୍ଠିତ ହୋଇ ଯାଇଛି । “ନିଶା ମୁକ୍ତ ଭାରତ” ଗଠନ ପରିପ୍ରେକ୍ଷୀରେ ଜୁନ ୧୨ ରୁ ୨୬ ପର୍ୟ୍ୟନ୍ତ ନିଶା ନିବାରଣ ପକ୍ଷ ପାଳନ କରାଯାଇଛି । ଆଜିର ଏ କାର୍ୟ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷକ ଜଗବନ୍ଧୁ ଜେନା ଆଲୋଚନା ଚକ୍ରର ସଭାପତିତ୍ୱ କରି ଆଜି ଦିବସର ମହତ୍ୱ ଉପରେ ଆଲୋକପାତ କରିଥିଲେ। ଉପସ୍ଥିତ କ୍ୟାଡଟ ଓ ଶିକ୍ଷକ ଶିକ୍ଷୟିତ୍ରୀ ମାନଙ୍କୁ ନେଇ “ନିଶା ଛାଡ଼ ଜୀବନ ଗଢ଼” ର ଶପଥ ପାଠ କରାଯାଇଅଛି। ପରେ ପରେ କ୍ୟାଡଟ ମାନେ ଶୋଭାଯାତ୍ରାରେ ବାହାରି କାମାକ୍ଷାନଗର ସହର ପରିକ୍ରମା କରି ନିଶାର କୁପ୍ରଭାବ ଉପରେ ସଚେତନତାର ବାର୍ତ୍ତା ବାଣ୍ଟିଥିଲେ। ଜାତୀୟ ସମର ଶିକ୍ଷାର୍ଥୀ ବାହିନୀ ଅଧିକାରୀ ଦୁର୍ୟ୍ୟୋଧନ ସାହୁ କାର୍ୟ୍ୟକ୍ରମର ପରିଚାଳନା କରିଥିବା ବେଳେ କ୍ରୀଡା ଶିକ୍ଷକ ପ୍ରତାପ କୁମାର ସାମନ୍ତ, ଅନ୍ୟାନ୍ୟ ଶିକ୍ଷକ ଶିକ୍ଷୟିତ୍ରୀ ତଥା କର୍ମଚାରୀ ବୃନ୍ଦ ସହାୟତା ପ୍ରଦାନ କରିଥିଲେ।
Comments are closed.