କଲ୍ୟାଣସିଂହପୁର: କଲ୍ୟାଣସିଂହପୁର ଥାନା ଅଧିନସ୍ଥ ଭେଜା ନିକଟସ୍ଥ ଆମ୍ବ ତୋଟାରୁ ବୁଧବାର ଜଣେ ଯୁବକଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ମୃତ ଯୁବକ କାଶୀପୁର ବ୍ଲକ ଅଡାଜର ପଞ୍ଚାୟତର ଶୋରିଷ ବାଡ଼ି ଗାଁର କେଶବ ନାୟକ ବୋଲି ଜଣାପଡିଛି। ସେ ନିଜ ଲୁଙ୍ଗି ସାହାଯ୍ୟରେ ଏକ ଆମ୍ବ ଗଛରେ ଝୁଲି ରହିଥିବା ଦେଖି ଭେଜା ଗ୍ରାମର ଲୋକମାନେ ଦେଖି ପୁଲିସକୁ ସୂଚନା ଦେଇଥିଲେ। ଖବରପାଇ ସ୍ଥାନୀୟ ପୁଲିସ ଏଏସଆଇ ମୁତାଲି ପଟ୍ଟନାୟକ ଘଟଣା ସ୍ଥଳରେ ପହଞ୍ଚି ଘଟଣା ବିଷୟରେ ଅନୁଧ୍ୟାନ କରିବା ସହ ମୃତଦେହ ଜବତ କରିଛନ୍ତି। ଏଥିସହ ଆସନ୍ତାକାଲି ଶବ ବ୍ୟବଚ୍ଛେଦ କରାଯିବ ବୋଲି କହିଛନ୍ତି। ଯାଞ୍ଚ କରିବାରୁ ମୃତ ଯୁବକଙ୍କ ନିକଟରୁ ବ୍ୟାଙ୍କ ପାସ ବହିର ପ୍ରଥମ ପୃଷ୍ଠା ଚିରା ରହିଥିବା ବହି, ଚିରା ଆଧାର କାର୍ଡ ଓ ଟର୍ଚ୍ଚ ଲାଇଟ ଜବତ ହୋଇଛି। ତେବେ ମୃତ୍ୟୁର କାରଣ ଜଣାପଡ଼ିନାହିଁ। ମୃତ ବ୍ୟକ୍ତିଙ୍କ ପରିବାର ଲୋକେ ଆସିଲେ ଏହା ହତ୍ୟା କି ଆତ୍ମହତ୍ୟା ପ୍ରକୃତ ବିଷୟ ଜଣାପଡିବ ବୋଲି ପୁଲିସ କହିଛି।
Comments are closed.