ଗୁରୁଡିଝାଟିଆ : ଗୁରୁଡିଝାଟିଆ ଶ୍ରୀ ଶ୍ରୀ ଧବଳେଶ୍ୱର ମହାବିଦ୍ୟାଳୟର ନୂତନ ଅଧ୍ୟକ୍ଷ ଭାବରେ ରାଜନୀତି ବିଜ୍ଞାନର ବିଭାଗୀୟ ମୁଖ୍ୟ ଡଃ ପ୍ରଶାନ୍ତ କୁମାର ମହାନ୍ତି ସ୍ଥାୟୀ ଅଧ୍ୟକ୍ଷ ଭାବରେ ଦାୟିତ୍ୱ ଗ୍ରହଣ କରିଛନ୍ତି । ଉଚ୍ଚ ଶିକ୍ଷା ବିଭାଗର ନିର୍ଦ୍ଦେଶ ମୁତାବକ ଡଃ ମହାନ୍ତି ଗତକାଲି ନୂତନ ଅଧ୍ୟକ୍ଷ ଭାବରେ କାର୍ଯ୍ୟଭାର ଗ୍ରହଣ କରିଛନ୍ତି। ଶ୍ରୀ ମହାନ୍ତି ନୂତନ ଅଧ୍ୟକ୍ଷ ଭାବରେ ଯୋଗଦାନ କରିବା ଫଳରେ ତାଙ୍କୁ ସମସ୍ତେ କର୍ମଚାରୀ ଓ ଅଧ୍ୟାପକ,ଅଧ୍ୟାପିକାମାନେ ସ୍ୱାଗତ ଜଣାଇଥିଲେ। ନବେଢା ବରିଷ୍ଠ ନାଗରିକ ମଞ୍ଚ ଆଠଗଡ (ଗୁରୁଡିଝାଟିଆ) ର କାର୍ଯ୍ୟକାରୀ ସଭାପତି ବିମ୍ବାଧର ନାୟକ,ଶିକ୍ଷାବିତ୍ ରାଜକିଶୋର ଖଟୁଆ, ରମ୍ଭାବତୀ ସାହୁ, ଶରତ ଖୁଣ୍ଟିଆ, ଯୁବନେତା ମନୋଜ ସାହୁ, ପବିତ୍ର ସାହାଣୀ ପ୍ରମୁଖ ନୂତନ ଅଧ୍ୟକ୍ଷ ଡଃ ମହାନ୍ତିଙ୍କୁ ସ୍ୱାଗତ ଜଣାଇଥିଲେ। ଡଃ ମହାନ୍ତି ଶୈକ୍ଷିକ ବାତାବରଣର ଉନ୍ନତି ଓ ମହାବିଦ୍ୟାଳୟକୁ ଜିଲ୍ଲାରେ ଏକ ଶ୍ରେଷ୍ଠ ମହାବିଦ୍ୟାଳୟ ଗଢି ତୋଳିବା ପାଇଁ ସମସ୍ତଙ୍କ ସହଯୋଗ କାମନା କରିଛନ୍ତି।
Popular Categories
Previous article
Next article