ତିଗିରିଆ: ଆଠଗଡ଼ ବନାଞ୍ଚଳ ତିଗିରିଆ ସେକ୍ସନ୍ ଅନ୍ତର୍ଗତ ଭୋଗଡା ପଞ୍ଚାୟତ ଭେଜିଆ ନିକଟବର୍ତ୍ତୀ କାଳୀଚାବଲ୍ଲଭ ଜଙ୍ଗଲରୁ ଗୁରୁବାର ଭୋର୍ ସମୟରେ ଏକ ହାତୀ ଖାଦ୍ୟ ଓ ଜଳ ଅନ୍ବେଷଣରେ ଆସି ଏକ ପଥର ଖଦାନ ଖାତରେ ଖସି ପଡିଥିଲା।ତେବେ ଖାତଟି କାଦୁଅ ପଙ୍କରେ ପୁରି ଥିବାରୁ ବହୁ ଚେଷ୍ଟାକରି ହାତୀଟି ଆଉ ବାହାରକୁ ଆସି ପାରିନଥିଲା। ତେବେ ଏନେଇ ସ୍ଥାନୀୟ ଲୋକେ ବନବିଭାଗକୁ ଖବର ଦେଇଥିଲେ। ଆଠଗଡ଼ ବନାଞ୍ଚଳ ଅଧିକାରୀ ରବିନ୍ଦ୍ର କୁମାର ନାୟକଙ୍କ ନେତୃତ୍ଵରେ ଆଠଗଡ଼ ଓ ତିଗିରିଆ ବନବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ଏକ ଜେସିବି ସାହାଯ୍ୟରେ ହାତୀଟିକୁ ସୁରକ୍ଷିତ ଭାବେ ଉଦ୍ଧାର କରିବା ପରେ ହାତୀଟି ଆସିଥିବା ଜଙ୍ଗଲକୁ ଚାଲି ଯାଇଥିବା ବନ ବିଭାଗ ପକ୍ଷରୁ ମିଳିଥିବା ସୂଚନାରୁ ଜଣାପଡ଼ିଛି।
Popular Categories
Previous article
Next article