ପାଟଣା: ପାଟଣା ବନାଞ୍ଚଳ ସାହାରପଡା ବନକ୍ଷେତ୍ର ଉଦୟପୁର ବିଟ ଅଧିନସ୍ଥ ସିଲିପଦା ଗ୍ରାମର ଜଟିଆ ହୁଡ଼ିରେ ଏକ ଗୋଠ ଛଡ଼ା ଦନ୍ତା ହାତୀ ଥିବା ସୂଚନା ମିଳିଛି। ତେବେ ଏହି ହାତୀଟି ମୟୁରଭଞ୍ଜ ଓ କେନ୍ଦୁଝର ଜିଲ୍ଲାର ବିଭିନ୍ନ ଅଞ୍ଚଳରେ ବୁଲି ବୁଲୁଛି। ହାତୀଟି ଏକା ବୁଲୁ ଥିବାରୁ ଲୋକମାନେ ଭୟଭୀତ ଅବସ୍ଥାରେ ଥିବା ବେଳେ ସାହାରପଡା ବନ କର୍ମଚାରୀ ପହଞ୍ଚି ହାତୀ ଉପରେ ନଜର ରଖିଛନ୍ତି। ତେବେ ହାତୀଟି ଆସିବା ବାଟରେ ସିଲିପଦା ଗ୍ରାମ ନିକଟ ବୈତରଣୀ ନଦୀ ପଠାରେ ଖରାଟିଆ ଧାନ ଚାଷ ହୋଇଥିବା ବେଳେ କିଛି ଧାନ ଫସଲ ନଷ୍ଟ କରିଥିବା ଜଣାପଡିଛି। ସନ୍ଧ୍ୟା ସୁଦ୍ଧା ହାତୀଟି ସିଲିପଦା ପଞ୍ଚାୟତ ବଲାଣିପଶି ଗ୍ରାମ ନିକଟରେ ଡେରା ପକାଇଥିବା ସାହାରପଡା ବନପାଳ ଭୂପତି ସେଠୀ ସୂଚନା ଦେଇଛନ୍ତି। ତେବେ ହାତୀଟି ଆଜି ସୁଦ୍ଧା କାହାରି ଘର ଭାଙ୍ଗି ନଥିବା ସୂଚନା ମିଳିଛି।
Popular Categories
Previous article
Next article