ଚୌଦ୍ୱାର : ଚୌଦ୍ୱାର ପୌରପାଳିକା ତରଫରୁ ବିରୁପା ନଦୀ ପୋଲ ନିକଟ ଚୌଦ୍ୱାର ପ୍ରବେଶ ପଥରେ ସ୍ୱାଗତ ତୋରଣ ନିର୍ମାଣ କରାଯାଇଛି । ଦୀର୍ଘ ବର୍ଷ ହେବ ଏହି ସ୍ୱାଗତ ତୋରଣ ନିର୍ମିତ ହୋଇଥିବାବେଳେ ଏଥିରେ ଲାଗିଥିବା ମାର୍ବଲ ଗୁଡ଼ିକ ଏବେ ଖସିବାରେ ଲାଗିଲାଣି । କଟକକୁ ସଂଯୋଗ କରୁଥିବା ଏହି ରାସ୍ତାରେ ପ୍ରତିଦିନ ହଜାର ହଜାର ସଂଖ୍ୟାରେ ଲୋକ ଯାତାୟତ କରୁଥିବାରୁ ତୋରଣରୁ ମାର୍ବଲ ଖସିବା ସେମାନଙ୍କ ପ୍ରତି ବିିପଦର ଆଶଂକା ସୃଷ୍ଠି କରିଛି । ନିକଟରେ ତୋରଣରୁ ଖଣ୍ଡିଏ ମାର୍ବଲ ଖସିପଡିଥିଲା ବେଳେ ସୌଭାଗ୍ୟବସତଃ ତୋରଣ ତଳେ କେହି ନଥିବାରୁ ଏକ ସମ୍ଭାବ୍ୟ ଦୁର୍ଘଟଣାକୁ ଏଡ଼ାଇ ଦିଆଯାଇଥିଲା ।ପୂର୍ବରୁ ଅନେକ ବାର ଏଭଳି ଦୁର୍ଘଟଣା ଘଟିବାର ମଧ୍ୟ ନଜିର ରହିଛି । ତୋରଣର ମରାମତି ପାଇଁ ପୌରାଧ୍ୟକ୍ଷା, ଉପାଧ୍ୟକ୍ଷ ତଥା ନିର୍ବାହୀ ଅଧିକାରୀଙ୍କୁ ବାରମ୍ବାର ଅଭିଯୋଗ କରିଥିବା ବେଳେ ଏହା ଉପରେ କେହି ଦୃଷ୍ଟି ଦେଉନଥିବା ସ୍ଥାନୀୟ କାଉନସିଲର ଲିଲିବାଳା ସାହୁ କ୍ଷୋଭରସହ କହିଛନ୍ତି । ତୁରନ୍ତ ପୌର କର୍ତ୍ତୃପକ୍ଷ ତୋରଣଟିର ମରାମତି କରିବାକୁ ସେ ଦାବି କରିଛନ୍ତି ।
Comments are closed.