ରେଙ୍ଗାଲି: ସମ୍ବଲପୁର ଜିଲ୍ଲାର ଠେଲକୋଲୋଇ ଠାରେ ପ୍ରତିଷ୍ଠିତ ଜେଏସଡ୍ଳୁ-ଭୂଷଣ କମ୍ପାନୀ ଧୁବେନଛାପଲ ଓ ଲପଙ୍ଗା ମୌଜା ରେ ୭ଶହ ଏକର ଜମି ଅଧିଗ୍ରହଣ କରିଛି। ଜନବସତି ପାଖରେ ଥିବା ଉକ୍ତ ଜମିରେ ବେଆଇନ ଭାବରେ କାରଖାନା ରବର୍ଜ୍ୟବସ୍ତୁ, ଲୁହାପଥର, କୋଇଲା ଗୁଣ୍ଡ, ଫ୍ଲାଇ ଆସ୍ ଡମ୍ପିଂ କରୁଥିବାରୁ ଧୁବେନଛାପଲ, ପାଉଲେପଡା, ଧୁରୁଆ ପଡା, ହରିଜନପଡାର ଅଧିବାସୀ ଉତ୍କଟ ପ୍ରଦୁଷଣ ସମସ୍ୟାରେ ଛଟପଟ ହେଉଥିବା ଅଭିଯୋଗ ହୋଇଛି। ଏହାର ତଦନ୍ତ ଓ ବିହିତ ପ୍ରତିକାର ପାଇଁ ଆଜି ସମ୍ବଲପୁର ଜିଲ୍ଲାପାଳଙ୍କ ଠାରେ ଫେରାଦ୍ ହୋଇଛନ୍ତି। ଗତ ୨୩ ତାରିଖ ମଙ୍ଗଳବାର ଦିନ ଏହି ସମସ୍ୟାର ସମାଧାନ ପାଇଁ ଗ୍ରାମବାସୀ ଜିଲ୍ଲାପାଳଙ୍କ ଦ୍ଵାରସ୍ଥ ହୋଇ ଥିଲେ। ତେବେ ଏପର୍ୟ୍ୟନ୍ତ କୌଣସି ପଦକ୍ଷେପ ଗ୍ରହଣ କରାଯାଇ ନଥିବାରୁ ଗ୍ରାମବାସୀ ପୁଣି ଜିଲ୍ଲାପାଳଙ୍କୁ ସାକ୍ଷାତ କରି ପ୍ରଦୁଷଣ ନିୟନ୍ତ୍ରଣ ବୋର୍ଡର ଅଧିକାରୀ ଓ ସ୍ଥାନିୟ ପ୍ରଶାସନିକ ଅଧିକାରୀଙ୍କ ଦ୍ବାରା ଏହି ସମସ୍ୟାର ସରଜମିନ ତଦନ୍ତ କରାଯାଇ ଆବଶ୍ୟକ କାର୍ୟ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଦାବୀ କରିଛନ୍ତି। ଅନ୍ୟଥା କମ୍ପାନୀର କାମ ବନ୍ଦ କରି ଶାନ୍ତିପୂର୍ଣ୍ଣ ଆନ୍ଦୋଳନ କରିବାକୁ ବାଧ୍ୟ ହେବୁ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି।
Popular Categories
Previous article
Next article