ଚୌଦ୍ୱାର : ସ୍ଥାନୀୟ ଗୋ ସୁରକ୍ଷା ବାହିନୀ ଓ ବଜରଙ୍ଗ ଦଳର କର୍ମୀ ମାନେ ୪ଟି ବଳଦ ଭର୍ତ୍ତି ହୋଇ ଚାଲାଣ ହେଉଥିବା ଏକ ପିକ୍ଅପ୍ ଭ୍ୟାନକୁ ଧରି ଚୌଦ୍ୱାର ଥାନାକୁ ହସ୍ତାନ୍ତର କରିଥିବା ଜଣାପଡ଼ିଛି। ଚୌଦ୍ୱାର ଦେଇ ନିୟମିତ ଭାବେ ଗାଡ଼ିରେ ବେଆଇନ୍ ଗୋରୁ ଚାଲାଣ ହେଉଥିବା ଖବର ପାଇ ଗୋ-ସୁରକ୍ଷା ବାହିନୀ ଓ ବଜରଙ୍ଗ ଦଳର କର୍ମୀ ମାନେ ଗତ କିଛିଦିନ ହେବ ଅଞ୍ଚଳର ବିଭିନ୍ନ ରାସ୍ତାରେ ରାତିରେ ଜଗି ରହୁଥିଲେ। ଏକ ଗୋରୁ ବୋଝେଇ ପିକ୍ଅପ୍ ଭ୍ୟାନ୍ ରବିବାର ବିଳମ୍ବିତ ରାତିରେ ଡାଳିଯୋଡ଼ା ବ୍ରହ୍ମପୁର ରାସ୍ତାରେ ଯାଉଥିବା ଖବର ପାଇ କର୍ମୀ ମାନେ ଗାଡ଼ିର ପିଛାକରି ବ୍ରହ୍ମପୁର-ବିଶିନାହାକାଣୀ ରାସ୍ତାର ତୁଳସୀପୁର ଠାରେ ଗାଡ଼ିଟିକୁ ଅଟକାଇବାରେ ସଫଳ ହୋଇଥିଲେ । ଗୋରୁଙ୍କ ସମେତ ଗାଡ଼ି ଓ ଗୋରୁ ବ୍ୟବସାୟୀଙ୍କୁ ଧରି ଚୌଦ୍ୱାର ଥାନାକୁ ଆଣି ପୁଲିସ ଜିମା ଦେଇଥିଲେ । ଗାଡ଼ି ଭିତରେ ୪ଟି ବଳଦ ଥିବାବେଳେ ଏହି ବଳଦ ଗୁଡ଼ିକୁ ବାଙ୍କୀରୁ ଯାଜପୁର ନିଆ ଯାଉଥିଲା ବୋଲି ଭ୍ୟାନ୍ ଡ୍ରାଇଭର ବିକାଶ ବେହେରା ସୂଚନା ଦେଇଥିଲା । ପୁଲିସ ଉଦ୍ଧାର ହୋଇଥିବା ବଳଦ ଗୁଡ଼ିକୁ ମଙ୍ଗରାଜପୁରସ୍ଥିତ ଗୋଶାଳାରେ ଛାଡ଼ିଥିବା ଜଣା ପଡ଼ିଛି । ବ୍ୟବସାୟୀ ଜିତେନ୍ଦ୍ର ସାମଲ,ସମୀର ପ୍ରଧାନ ଓ ଡ୍ରାଇଭର ବିକାଶ ବେହେରାଙ୍କୁ ଥାନାରେ ଅଟକ ରଖାଯାଇ ପଚରା ଉଚରା ଜାରି ରହିଛି ।
Popular Categories
Previous article
Next article