କେନ୍ଦୁଝରଗଡ଼ : କେନ୍ଦୁଝର ସହର ଉପକଣ୍ଠ ନରଣପୁରରେ ଅଷ୍ଟମ ବାର୍ଷିକୀ ଶିବ-ପାବର୍ତୀ ବିବାହତ୍ସୋବ ଓ ଶୀଳତ ଷଷ୍ଠୀ ଯାତ୍ରା ବୁଧବାର ଧୁମ୍ଧାମରେ ପାଳିତ ହୋଇଯାଇଛି । ସକାଳ ୯ ଘଟିକାରେ ଘଡଘଡିସ୍ଥିତ ଶ୍ରୀ ଶ୍ରୀ କପିଳଶ୍ୱେର ମନ୍ଦିରକୁ କଳସ ଶୋଭାଯାତ୍ରା ଓ ପୂଜାର୍ଚ୍ଚନା ପରେ ପୂର୍ବାହ୍ନ ୧୧ଘଟିକାରେ ମନ୍ଦିରରୁ ବରକର୍ତ୍ତା ମନୋରଞ୍ଜନ ପାଢ଼ୀ ଓ ସହଧର୍ମିଣୀ ସ୍ୱର୍ଣ୍ଣଲତା ପାଢ଼ୀଙ୍କ ଉପସ୍ଥିତିରେ ପୂଜାର୍ଚ୍ଚନା କାର୍ଯ୍ୟ ସମ୍ପାଦିତ ହୋଇଥିଲା। ମଧ୍ୟାହ୍ନ ୧୨ଟାରେ ବରକର୍ତ୍ତାଙ୍କ ଘରୁ କନ୍ୟା କର୍ତ୍ତା ନରଣପୁରସ୍ଥିତ ରାମେଶ୍ୱର ମନ୍ଦିର ଅଭିମୁଖେ ବିବାହ ଶୋଭାଯାତ୍ରା ବାହାରିଥିଲା । ଏଥିରେ ନରଣପୁର, ଟାଙ୍ଗରପଳସା ଓ ହଳଦିଆଟାଙ୍ଗିରି ଗ୍ରାମର ହଜାର ହଜାର ମହିଳା ଓ ପୁରୁଷ ଶ୍ରଦ୍ଧାଳୁ ସାମିଲ ହୋଇ ପ୍ରଭୁଙ୍କ ବିବାହ ଶୋଭାଯାତ୍ରାରେ କନ୍ୟାକର୍ତ୍ତାଙ୍କ ଘର ନରଣପୁର ରାମେଶ୍ୱର ମନ୍ଦିର ପର୍ଯ୍ୟନ୍ତ ଯାଇଥିଲେ। ଅପରାହ୍ନ ୩ଟାରୁ ଦୁର୍ଯ୍ୟୋଧନ ମହାନ୍ତ ଓ ସହଧର୍ମିଣୀ ରଞ୍ଜୁଲତା ମହାନ୍ତ କନ୍ୟା କର୍ତ୍ତା ଭାବେ ଯୋଗଦେଇ ବିବାହ ଉତ୍ସବ ଆରମ୍ଭ ହୋଇ ସନ୍ଧ୍ୟାରେ ଶେଷରେ ହୋଇଥିଲା ।
ଏହି ଅବସରରେ କନ୍ୟା କର୍ତ୍ତାଙ୍କ ପକ୍ଷରୁ ହଜାର ହଜାର ଶ୍ରଦ୍ଧାଳୁଙ୍କୁ ଅନ୍ନ ପ୍ରସାଦ ବଣ୍ଟନ କରାଯାଇଥିଲା । ଗୁରୁବାର ପୂର୍ବାହ୍ନ ୧୧ଟାରୁ ଶୀତଳ ଷଷ୍ଠୀ ଯାତ୍ରା ଓ ନଗର ପରିକ୍ରମା ପରେ କପିଳେଶ୍ୱର ମନ୍ଦିର ଘଡଘଡି ଠାରେ ବରକର୍ତ୍ତାଙ୍କ ଘରକୁ ଠାକୁରଙ୍କ ପ୍ରତ୍ୟାବର୍ତ୍ତନ ପରେ ସନ୍ଧ୍ୟା ୭ଘଟିକାରେ ପ୍ରସାଦ ସେବନ କାର୍ଯ୍ୟକ୍ରମ ରହିଛି । ଶୁକ୍ରବାର ପୂର୍ବାହ୍ନରେ ଦେବ ଦମ୍ପତ୍ତିଙ୍କ ଶ୍ରୀ ବିଗ୍ରହ ମନ୍ଦିର ପ୍ରବେଶ କାର୍ଯ୍ୟକ୍ରମ ରହିଛି । ଶିବ ବିବାହତ୍ସୋବ କମିଟି ନରଣପୁର ଆନୁକୂଲ୍ୟରେ ଅନୁଷ୍ଠିତ ଏହି ବିବାହତ୍ସୋବରେ ହଜାର ହଜାର ଭକ୍ତ ଯୋଗଦେଇ ଦେବ ଦେବ ମହାଦେବ ଓ ଜଗତ୍ଜନନୀ ମା’ପାର୍ବତୀଙ୍କ ଆର୍ଶିବାଦ ଲାଭ କରିବା ଦୃଶ୍ୟ ବେଶ୍ ନିଆରା ଥିଲା।
Comments are closed.