ଗୁଣୁପୁର : ଗତ ଦେଢବର୍ଷ ଧରି ରାୟଗଡା ଜିଲ୍ଲା ଗୁଣୁପୁର, ପଦ୍ମପୁର,ଗୁଡାରି ବନାଞ୍ଚଳରେ ୬ ଟିକିଆ ହାତୀପଲ ସୁରକ୍ଷିତ ଚଳପ୍ରଚଳ କରୁଥିବା ବେଳେ ଆଜି ଆନ୍ଧ୍ରପ୍ରଦେଶ ବାତ୍ତୀଲି-କାଟ୍ରଗଡ଼ ଅଞ୍ଚଳରେ ବିଦ୍ୟୁତ ଆଘାତରେ ୪ଟି ହାତୀଙ୍କ ମୃତ୍ୟୁ ଘଟିଥିବା ଜଣାପଡିଛି । ଓଡ଼ିଶାରେ ଜଙ୍ଗଲ ବିଭାଗ ସହାୟତାରେ ହାତୀପଲ ସୁରକ୍ଷିତ ଚଳପ୍ରଚଳ କରୁଥିଲେ। ଗ୍ରାମବାସୀ ଓ ଜଙ୍ଗଲ ବିଭାଗ ମଧ୍ୟରେ ଉତ୍ତମ ସମନ୍ୱୟ ରକ୍ଷା କରି ଦିନ ରାତି ଏକ କରି ହାତୀପଲଙ୍କ ଗତିବିଧି ଉପରେ ତୀକ୍ଷ୍ଣ ନଜର ରଖାଯାଇଥିଲା । ତେବେ ଗତ ଦୁଇ ମାସ ଧରି ଏହି ହାତୀପଲ ଆନ୍ଧ୍ରପ୍ରଦେଶ ଅଞ୍ଚଳକୁ ଚାଲି ଯାଇଥିଲେ । ସେଠାରେ ଆଜି ସକାଳେ ଏଭଳି ଅଘଟଣ ଘଟିଥିବା ଜଣାପଡିଛି । ତେବେ ଆନ୍ଧ୍ର ସରକାର ଓ ସ୍ଥାନୀୟ ପ୍ରଶାସନ, ବିଦ୍ୟୁତ ବିଭାଗର ଖାମଖିଆଲ ନୀତି ଯୋଗୁଁ ଏଭଳି ଅଘଟଣ ଘଟିଥିବା ଆଲୋଚନା ହେଉଛି । ତେଣୁ ଘଟଣାର ଉଚ୍ଚ ସ୍ତରୀୟ ତଦନ୍ତ କରି ଦୋଷୀଙ୍କ ବିରୁଦ୍ଧରେ ଦୃଢ କାର୍ୟ୍ୟାନୁଷ୍ଠାନ ଗ୍ରହଣ କରିବା ନିମନ୍ତେ ଦାବୀ ହେଉଛି ।
Popular Categories
Previous article
Next article