ଡେସ୍କ: ଦୂରସଂଚାର ବିଭାଗ ଟେଲିକମ୍ ସିମ୍ ସବସ୍କ୍ରାଇବର ଯାଞ୍ଚ ପାଇଁ ନକଲି ଓ ଜାଲ୍ ମୋବାଇଲ୍ ସଂଯୋଗକୁ ବିଶ୍ଳେଷଣ, ଚିହ୍ନଟ ଏବଂ ବିଚ୍ଛିନ୍ନ କରିବା ପାଇଁ ଏଏସଟିଆର ନାମକ ଫେସିଆଲ୍ ରେକଗନିସନ୍ ଟୁଲକୁ କାର୍ଯ୍ୟକାରୀ କରିଛି। ଏହା ସହାୟତାରେ ସାଇବର ଅପରାଧକୁ କମ୍ କରାଯାଇପାରିବ। ଏହା ସମସ୍ତ ଟେଲିକମ୍ ସେବା ପ୍ରଦାନକାରୀଙ୍କ ମିଳିତ ଗ୍ରାହକ ଡାଟାବେସ୍ ବିଶ୍ଳେଷଣ କରିଥାଏ ଏବଂ ନକଲି ମୋବାଇଲ୍ ସଂଯୋଗଗୁଡ଼ିକୁ ଚିହ୍ନଟ କରେ। ସିଷ୍ଟମ୍ ଗ୍ରାହକ ଚିତ୍ର ଗୁଡିକ ବ୍ୟବହାର କରେ ଏବଂ ଅନ୍ୟ ଗ୍ରାହକ ଚିତ୍ର ଗୁଡ଼ିକ ସହିତ ଏହାର ତୁଳନା କରେ। ଫଳସ୍ବରୂପ ସେହି ବ୍ୟକ୍ତିଙ୍କ ଭିନ୍ନ ନାମ ସହିତ ସମାନ ଚିତ୍ରର ଏକ ଆଉଟପୁଟ୍ ସୃଷ୍ଟି ହୁଏ।
ଓଡିଆର ବିଭିନ୍ନ ଟେଲିକମ୍ ଅପରେଟରଙ୍କ ଦ୍ୱାରା ଜାରି କରାଯାଇଥିବା ୫୨ ହଜାର ୮୮ଟି ସନ୍ଦିଗ୍ଧ ମୋବାଇଲ୍ ସଂଯୋଗକୁ ଏଏସଟିଆର ଚିହ୍ନଟ କରିଛି। ରାଜ୍ୟ ଦୂରସଂଚାର ବିଭାଗ ନିର୍ଦ୍ଦେଶ ଅନୁଯାୟୀ, ଏହି ସନ୍ଦିଗ୍ଧ ମୋବାଇଲ୍ ସଂଯୋଗ ସଂପୃକ୍ତ ଟେଲିକମ୍ ଅପରେଟରଙ୍କ ଦ୍ୱାରା ପୁନଃଯାଞ୍ଚ କରାଯାଇଥିଲା ଏବଂ ଫଳସ୍ୱରୂପ ୫୧ ହଜାର ୨୬୦ଟି ସଂଯୋଗ ନକଲି ବୋଲି ଜଣାଯାଇଥିଲା ଯାହାକୁ ବିଚ୍ଛିନ୍ନ କରାଯାଇଥିଲା। ବିଶ୍ଳେଷଣ ଉପରେ ଆଧାର କରି, ମୋଟ ୨ ହଜାର ୪୧୭ ନୋ ପଏଣ୍ଟ ଅଫ୍ ସେଲ୍ସ ଓ ସିମ୍ ବିକ୍ରେତା ଯେଉଁମାନେ ଏହି ଠକ କାର୍ଯ୍ୟକଳାପରେ ଜଡିତ ଥିଲେ ସେମାନଙ୍କୁ କଳା ତାଲିକାଭୁକ୍ତ କରାଯାଇଛି। ତଦନ୍ତ ତଥା ଅପରାଧୀଙ୍କ ବିରୋଧରେ ଆବଶ୍ୟକ କାର୍ଯ୍ୟାନୁଷ୍ଠାନ ପାଇଁ ପୁଲିସରେ ଏହି ଅଭିଯୋଗ କରାଯାଇଛି।
