ବୌଦ୍ଧ : ବୌଦ୍ଧ ଜିଲା ହରଭଙ୍ଗା ବ୍ଳକର ନାରାୟରପୁର ସ୍ଥିତ ସେବାବିହାର ଠାରେ ଜିଲାର ପ୍ରଥମ ଗୋଷ୍ଠୀ ବେତାର କେନ୍ଦ୍ର ‘ଆଦର’ ଶୁକ୍ରବାର ଦିନ ଉଦଘାଟିତ ହୋଇଛି । ମୁଖ୍ୟ ଅତିଥିଭାବେ ଜିଲାପାଳ ସତ୍ୟରଂଜନ ସାହୁ ଯୋଗଦେଇ ଏହି ଗୋଷ୍ଠୀ ବେତାର କେନ୍ଦ୍ରକୁ ଉଦଘାଟନ କରିବା ସହିତ ପ୍ରଥମ ବାର୍ତ୍ତା ପ୍ରଦାନ କରିଥିଲେ । ଏହି ଏଫଏମ ରେଡିଓ ଷ୍ଟେସନ ଦ୍ୱାରା ୧୫ କିଲୋମିଟି ଦୂରତାରେ ରହିଥିବା ଲୋକମାନେ ଦୁଇ ଓଳି ବିଭିନ୍ନ ମନୋରଂଜନ କାର୍ଯ୍ୟକ୍ରମ ଶୁଣିପାରିବେ। ଏହାବ୍ୟତୀତ ବିଭିନ୍ନ ପ୍ରସଙ୍ଗରେ ଲୋକଙ୍କୁ ସଚେତନତାର ବାର୍ତ୍ତା ପ୍ରଦାନ କରିବା ଏବଂ ରେଡିଓ ଆଲୋଚନା କାର୍ଯ୍ୟକ୍ରମ ମଧ୍ୟ ହୋଇପାରିବ ବୋଲି ଆଶ୍ୱାସ୍ରୋ ଅନୁଷ୍ଠାନର ସଂପାଦକ ପ୍ରଭାସ ସାମନ୍ତରାୟ ସୂଚନା ପ୍ରଦାନ କରିଛନ୍ତି । ଲୋକମାନେ ୮୯.୬ ରେ ଏଫଏମରେ ଏହି ଷ୍ଟେସନର କାର୍ଯ୍ୟକ୍ରମ ଶୁଣିପାରିବେ । ଉଦଘାଟନୀ ଉତ୍ସବ ଅବସରରେ ସମ୍ମାନୀତ ଅତିଥି ଭାବେ ଅତିରିକ୍ତ ଜିଲ୍ଲାପାଳ ଦାରିଦ୍ର୍ୟ ଭଂଜନ ମଦନ ମୋହନ ପାତ୍ର,ଏନଏସି ଅଧ୍ୟକ୍ଷ ମୃତ୍ୟୁଞ୍ଜୟ ମିଶ୍ର ଯୋଗଦେଇଥିବାବେଳେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ରାହୁଲ ପ୍ରଧାନ, ଜିଲା ସୂଚନା ଲୋକସଂପର୍କ ଅଧିକାରୀ ରୀତାକାନ୍ତି ବଳିଆରସିଂହ, ବାଲ୍ୟବିବାହ ନିଷେଧ ପରାମର୍ଶଦାତ୍ରୀ ପ୍ରବିଜ୍ଞା ଦାଶ ପ୍ରମୁଖ ଯୋଗ ଦେଇଥିଲେ।
Comments are closed.