ନୂଆଦିଲ୍ଲୀ : ଦେଶରେ ସମ୍ପ୍ରତି ତୈଳ ମୂଲ୍ୟରେ ହ୍ରାସ ଧାରା ଜାରି ରହିଛି। ଏଥିଯୋଗୁ ଘରୋଇ ବଜାରରେ କ୍ରମାଗତ ଭାବେ ପେଟ୍ରୋଲ ଏବଂ ଡିଜେଲ ମୂଲ୍ୟରେ ହ୍ରାସ ଘଟୁଛି । ତେବେ ବିଗତ ୧୮ ଦିନ ମଧ୍ୟରେ ପେଟ୍ରୋଲ ମୂଲ୍ୟରେ ଲିଟର ପିଛା ୪ ଟଙ୍କା ୦୫ ପଇସା ଏବଂ ଡିଜେଲରେ ୨ ଟଙ୍କା ୩୩ ପଇସା ହ୍ରାସ ଘଟିଥିବା ଜଣାଯାଇଛି। ଆଜି ରାଜଧାନୀ ନୂଆଦିଲ୍ଲୀରେ ପେଟ୍ରୋଲ ଲିଟର ପିଛା ୨୧ ପଇସା ହ୍ରାସ ଘଟି ୭୮ ଟଙ୍କା ୭୮ ପଇସା
ଏବଂ ଡିଜେଲରେ ୧୭ ପଇସା ହ୍ରାସ ଘଟି ୭୩ ଟଙ୍କା ୩୬ ପଇସାକୁ ଖସିଆସିଛି।
ଭୁବନେଶ୍ୱରରେ ରବିବାର ପେଟ୍ରୋଲ ଲିଟର ପିଛା ୨୨ ପଇସା ହ୍ରାସ ଘଟି ୭୭ ଟଙ୍କା ୭୦ ପଇସାରେ ପହଞ୍ଚିଛି । ଶନିବାର ଏହା ଲିଟର ପିଛା ୭୭ ଟଙ୍କା ୯୨ ପଇସା ରହିଥିଲା। ସେହିଭଳି ଆଜି ଡିଜେଲ ମୂଲ୍ୟରେ ଲିଟର ପିଛା ୨୦ ପଇସା ହ୍ରାସ ଘଟି ୭୮ ଟଙ୍କା ୭୮ ପଇସା ହୋଇଛି। ଗତକାଲି ଏହା ଲିଟର ପିଛା ୭୮ ଟଙ୍କା ୯୮ ପଇସା ରହିଥିଲା।
ସୂଚନାଯୋଗ୍ୟ ଅକ୍ଟୋବର ୧୮ ଠାରୁ ପେଟ୍ରୋଲ ଏବଂ ଡିଜେଲ ମୂଲ୍ୟରେ ହ୍ରାସ ଧାରା ଜାରି ରହିଛି। ଅକ୍ଟୋବର ୪ରେ ନୂଆଦିଲ୍ଲୀରେ ପେଟ୍ରୋଲ ଲିଟର ପିଛା ୮୪ ଟଙ୍କା ଏବଂ ମୁମ୍ବଇରେ ୯୧ ଟଙ୍କା ୩୪ ପଇସା ସ୍ତର ଛୁଇଁଥିଲା। ସେହିଦିନ ଦିଲ୍ଲୀରେ ଡିଜେଲ ଲିଟର ପିଛା ୭୫ ଟଙ୍କା ୪୫ ପଇସା ଏବଂ ମୁମ୍ବଇରେ ୮୦ ଟଙ୍କା ୧୦ ପଇସାରେ ପହଞ୍ଚିଥିଲା। ତେବେ ଚଳିତ ବର୍ଷ ଅଗଷ୍ଟ ୧୬ଠାରୁ ତୈଳ ଦରରେ ଏହି ବୃଦ୍ଧି ଧାରା ଜାରି ରହିଛି। ଅଗଷ୍ଟ ୧୫ରେ ଦିଲ୍ଲୀରେ ପେଟ୍ରୋଲ ଲିଟର ପିଛା ୭୭ ଟଙ୍କା ୧୪ ପଇସା ଏବଂ ମୁମ୍ବଇରେ ୮୪ ଟଙ୍କା ୫୮ ପଇସା ରହିଥିଲା।
କମୁଛି ତୈଳ ଦର : ୧୮ ଦିନରେ ପେଟ୍ରୋଲ ୪.୦୫ ଓ ଡିଜେଲ ୨.୩୩ ଟଙ୍କା କମିଛି
Popular Categories
Previous article
Next article