ଗୁରୁଡିଝାଟିଆ : ମାଧବପୁର ସ୍ଥିତ ଗୋପବନ୍ଧୁ ଚିକିତ୍ସାଳୟ ପରିସରରୁ ଦୁର୍ବୃତ୍ତମାନେ ଚୋରି କରିନେଇଥିଲେ ଜଳଯୋଗାଣ ପାଇପ । ପ୍ରାୟ ୨୦ ହଜାର ଟଙ୍କା ମୂଲ୍ୟର ଜଳଯୋଗାଣ ପାଇପକୁ ଦୁର୍ବୃତ୍ତମାନେ ୩ ତାରିଖ ରାତିରେ ଚୋରି କରିନେଇଥିଲେ । ଏ ନେଇ ଚିକିତ୍ସାଳୟ ପକ୍ଷରୁ ଗତକାଲି ଖୁଣ୍ଟୁଣୀ ଥାନାରେ ଲିଖିତ ଅଭିଯୋଗ କରାଯାଇଥିଲା । ଖୁଣ୍ଟୁଣୀ ଥାନା ଅଧିକାରୀ ରବିନାରାୟଣ ବେହେରା ଘଟଣାକୁ ଗୁରୁତର ସହିତ ଗ୍ରହଣ କରି ଉପନିରୀକ୍ଷକ ଡଃ ବିକାଶ କୁମାର ସେଠୀଙ୍କୁ ତଦନ୍ତ ପାଇଁ ନିର୍ଦ୍ଦେଶ ଦେଇଥିଲେ । ଏତଲା ଦେବାର ୫ଘଣ୍ଟା ମଧ୍ୟରେ ଉପନିରୀକ୍ଷକ ସେଠୀ ଅନୁସନ୍ଧାନ କରିବା ସହିତ ଦୁଇ ଅଭିଯୁକ୍ତଙ୍କୁ ଅଟକ ରଖିବା ସହିତ ୮ ଖଣ୍ଡ ୩୦ ଫୁଟ ଲମ୍ବର ପାଇପ ଜବତ କରିବାକୁ ସକ୍ଷମ ହୋଇଛନ୍ତି । ଅଟକ ଅଭିଯୁକ୍ତଦ୍ୱୟ ହେଲେ ବିବେକାନନ୍ଦ ନାଏକ(୨୫) ଓ ବିଜୟ କୁମାର ନାଏକ(୨୬) । ଏହି ଘଟଣାରେ ଅନ୍ୟ ଦୁଇଜଣ ସଂପୃକ୍ତ ଥିବାର ପୁଲିସ ଜାଣିବାକୁ ପାଇଛି । ସେମାନଙ୍କୁ ଖୁବଶୀଘ୍ର ଗିରଫ କରାଯିବା ସହିତ ଅବଶିଷ୍ଟ ଚୋରି ପାଇପଗୁଡିକ ଉଦ୍ଧାର କରାଯିବ ବୋଲି ତଦନ୍ତକାରୀ ଅଧିକାରୀ ସେଠୀ ଗଣମାଧ୍ୟମକୁ କହିଥିଲେ ।
Comments are closed.