ସନ୍ଧ୍ୟା ୬ଟା ମୁଖ୍ୟ ଖବର

ରାଜ୍ୟରେ ବନ୍ଦେ ଭାରତ ଏକ୍ସପ୍ରେସର ପରୀକ୍ଷାମୂଳକ ଯାତ୍ରା ଆସନ୍ତାକାଲି..

ଉଜବେକିସ୍ତାନର ତାସକେଣ୍ଟରେ ଅନୁଷ୍ଠିତ ୧୮ ବର୍ଷରୁ କମ ଏସିଆନ୍ ଆଥଲେଟିକ୍ସ ଚାମ୍ପିଅନସିପରେ ବାଳିକା ବର୍ଗରେ ୫ ହଜାର ମିଟର ଦୌଡ଼କୁଦ ପ୍ରତିଯୋଗିତାରେ ତୃତୀୟ ତଥା ଚତୁର୍ଥ ସ୍ଥାନ ଅଧିକାର କରିଥିବାରୁ ଯୁବ ବ୍ୟାପାର ତଥା କ୍ରୀଡ଼ା ମନ୍ତ୍ରୀ ଅନୁରାଗ ସିଂ ଠାକୁର ଭାରତୀୟ ଆଥଲେଟ୍ ଆରତୀ ଏବଂ ଖୁସବୁ ଯାଦବଙ୍କୁ ଅଭିନନ୍ଦନ ଜଣାଇଛନ୍ତି..

ତିନି ଦିନିଆ ଭାରତ ଗସ୍ତରେ ବାଂଲାଦେଶ ସେନା ମୁଖ୍ୟ ଜେନେରାଲ ଏସଏମ ଶଫିଉଦ୍ଦିନ ଅହମ୍ମଦ..

ଥମୁନି ମନୀଷ ସିସୋଦିଆଙ୍କ ସମସ୍ୟା.. ପୁଣି ବଢିଲା ନ୍ୟାୟିକ ହେପାଜତ ଅବଧି.. ଦିଲ୍ଲୀର ରାଉଜ୍‌ ଆଭେନ୍ୟୁ କୋର୍ଟ ସିସୋଦିଆଙ୍କ ନ୍ୟାୟିକ ହେପାଜତ ଅବଧିକୁ ମେ’ ୧୨ ପର୍ଯ୍ୟନ୍ତ ବଢାଇ ଦେଇଛନ୍ତି..

୧୦ ହଜାର ଟଙ୍କା ଲାଞ୍ଚ ନେଇ ଧରାପଡିଲେ କନିଷ୍ଠ କିରାଣୀ.. କେନ୍ଦ୍ରାପଡା ପଟ୍ଟାମୁଣ୍ଡାଇ ବିଇଓ ଅଫିସର କନିଷ୍ଠ କିରାଣୀ ମାନସ ଧଳ.. ଶିକ୍ଷକଙ୍କ ବକେୟା ଦରମା ଉଠାଣ ପାଇଁ ଲାଞ୍ଚ ନେଉଥିଲେ.. ଧରାପଡିବା ପରେ ଆୟ ବହିର୍ଭୂତ ସମ୍ପତ୍ତି ଲିଙ୍କ୍‌‌ରେ ୨ଟି ସ୍ଥାନରେ ଚଢଉ..

କାଳବୈଶାଖୀ ବର୍ଷା ସହ ବଜ୍ରପାତ..୧୫ ଜିଲାକୁ ଆଲର୍ଟ ଜାରି.. କେନ୍ଦୁଝର, ମୟୁରଭଞ୍ଜ, ବାଲେଶ୍ୱର, ଭଦ୍ରକ, ଢେଙ୍କାନାଳ, ଯାଜପୁର, କଟକ, ନୟାଗଡ, ଖୋର୍ଦ୍ଧା, କନ୍ଧମାଳ, ଗଜପତି, ଗଞ୍ଜାମ, ରାୟଗଡା, କୋରାପୁଟ ଜିଲାକୁ ସତର୍କ ସୂଚନା ଜାରି.. ଭୁବନେଶ୍ୱରରେ ମଧ୍ୟ କୁଆପଥର ବର୍ଷା ସହ ଘଡଘଡି ସମ୍ଭାବନା..

ସୁଦାନରେ ଫସି ରହିଛନ୍ତି ୩୫୦୦ ଭାରତୀୟ ଓ ୧ ହଜାର ଭାରତୀୟ ବଂଶୋଦ୍ଭବ.. ନୂଆଦିଲ୍ଲୀରେ ଗଣମାଧ୍ୟମକୁ ସୂଚନା ଦେଇ ବୈଦେଶିକ ସଚିବ ବିନୟ ମୋହନ କ୍ୱାତ୍ରା କହିଛନ୍ତି .. ସୁଦାନରେ ସ୍ଥିତି ଅତ୍ୟନ୍ତ ଅସ୍ଥିର ରହିଛି.. ଚଳିତ ମାସ ୧୫ ତାରିଖରୁ ବିବାଦ ଆରମ୍ଭ ହେବା ପରଠାରୁ ଭାରତ ଏହା ଉପରେ ନିରନ୍ତର ନଜର ରଖିଛି..

ଆଳି : ବ୍ରାହ୍ମଣୀ ନଦୀରେ ଡଙ୍ଗାବୁଡି ନାବାଳକ ମୃତ, ଜଣେ ନିଖୋଜ.. ୨ ଘଣ୍ଟାର ଉଦ୍ୟମ ପରେ ନିଖୋଜ ନାବାଳକର ମୃତଦେହ ଉଦ୍ଧାର.. ଏକମାଣିଆ ପଞ୍ଚାୟତରୁ ରାଜନଗର କେରଡାଗଡ ଯାଉଥିଲେ.. ମୋଟ ୩୦ ଯାତ୍ରୀ ଥିଲେ..

ଖରାଛୁଟିରେ ଛାତ୍ରଛାତ୍ରୀଙ୍କୁ ମିଳିବ ଆଇରନ ଓ ଫଲିକ ଏସିଡ୍‌‌ ବଟିକା.. ଜୁନ୍‌‌ ୧୬ ଯାଏଁ ଘରକୁ ଯାଇ ଟାବଲେଟ ବଣ୍ଟାଯିବ.. ବଟିକା ବାଣ୍ଟିବାକୁ ଶିକ୍ଷକମାନଙ୍କୁ ବିଭାଗ ପକ୍ଷରୁ ନିର୍ଦ୍ଦେଶ..