ବୌଦ୍ଧ: ବୌଦ୍ଧ ଆଦର୍ଶ କୃଷକ ବଜାର ପରିସରରେ ବୌଦ୍ଧ ନିୟନ୍ତ୍ରିତ ବଜାର କମିଟି ପକ୍ଷରୁ କୃଷକ ସମାବେଶ ଓ କର୍ମଶାଳା ଅନୁଷ୍ଠିତ ହୋଇଯାଇଛି। ପ୍ରାରମ୍ଭରେ ନିୟନ୍ତ୍ରିତ ବଜାର କମିଟିର ସଂପାଦକ ସଂଜୟ କୁମାର ପଟ୍ଟନାୟକ ସ୍ୱାଗତ ଭାଷଣ ଓ ସମାବେଶର ଉଦ୍ଦେଶ୍ୟ ଜ୍ଞାପନ କରିଥିଲେ। ଉପଜିଲ୍ଲାପାଳ ରବୀନ୍ଦ୍ର ନାଥ କହଁର ଅଧ୍ୟକ୍ଷତାରେ ଅନୁଷ୍ଠିତ ଏହି କୃଷକ ସମାବେଶ ଓ କର୍ମଶାଳାରେ ମୁଖ୍ୟଅତିଥି ଭାବରେ ଯୋଗଦେଇ ନିୟନ୍ତ୍ରିତ ବଜାର କମିଟି ସ୍ଥାପିତ ଓ ପରିଚାଳିିତ କୃଷକ ବଜାରରେ ରହିଥିବା ବିଭିନ୍ନ ସୁବିଧା ସୁଯୋଗ,ଉପଯୋଗୀତା ନେଇ ସୂଚନା ପ୍ରଦାନ କରିଥିଲେ। ଏହି ଅବସରରେ ଜାତୀୟସ୍ତରରେ କୃଷି ମାର୍କେଟିଂ ପାଇଁ ଇ-ନାମ ବ୍ୟବହାର ସଂପର୍କିତ ତାଲିମ କୃଷକମାନଙ୍କୁ ପ୍ରଦାନ କରାଯାଇଥିଲା। ସଂପାଦକ ଶ୍ରୀପଟ୍ଟନାୟକ ଓ ମଣ୍ଡି ଆନାଲିଷ୍ଟ ବିଘ୍ନଜିତ ମହାକୁଳ ବିଶେଷଜ୍ଞ ଭାବେ ତାଲିମ ପ୍ରଦାନ କରିଥିଲେ। ଜାତୀୟ କୃଷି ବଜାର ପାଇଁ କେନ୍ଦ୍ର ସରକାରଙ୍କ ଦ୍ୱାରା ପ୍ୟାନ୍ ଇଣ୍ଡିଆ ଇଲେକ୍ଟ୍ରୋନିକ୍ ବାଣିଜ୍ୟ ପୋର୍ଟାଲ ଇ-ନାମ ଆରମ୍ଭ କରାଯାଇଛି। ଏହାଦ୍ୱାରା ଦେଶରେ କୃଷିଜାତ ଦ୍ରବ୍ୟ ପାଇଁ ଏକିକୃତ ଜାତୀୟ ବଜାର ସୃଷ୍ଟି କରାଯାଇପାରିଛି। କ୍ରେତା ଓ ବିକ୍ରେତାଙ୍କ ମଧ୍ୟରେ ସୂଚନା ଦୂରତା,ଅସମାନତାକୁ ହଟାଇବା ଏବଂ ପ୍ରକୃତ ଚାହିଦା ଓ ଯୋଗାଣ ଉପରେ ଆଧାର କରି କିପରି କୃଷି ମାର୍କେଟିଂ କରାଯାଇପାରୁଛି ସେ ସଂପର୍କରେ ତାଲିମ ପ୍ରଦାନ କରାଯାଇଥିଲା।
Popular Categories
Previous article
Next article