ମୋହନା: ଗଜପତି ଜିଲ୍ଲା ମୋହନା ଥାନା ଅନ୍ତର୍ଗତ ଚନ୍ଦ୍ରଗିରି ଫାଣ୍ଡି ଅଧିନସ୍ଥ ଚନ୍ଦ୍ରଗିରି ପଞ୍ଚାୟତ କାର୍ଯ୍ୟାଳୟ ସମ୍ମୁଖରେ ଧାରଣା ଦେଇଛନ୍ତି ଜଣେ ଆତ୍ମସମର୍ପଣକାରୀ ମହିଳା ମାଓବାଦୀ। ଅଡବା ଥାନା ଗୋଠା ଗ୍ରାମର ମହିଳା ମାଓବାଦୀ ଆରତୀ ପାତ୍ର (ମାଓବାଦୀ ନାମ-ରିତା) ୨୦୦୬ରେ ମାଓ ସଂଗଠନରେ ଯୋଗ ଦେଇଥିଲେ। ପରେ ସମାଜର ମୁଖ୍ୟସ୍ରୋତରେ ସାମିଲ ହେବାପାଇଁ ୨୦୧୧ରେ ତତ୍କାଳୀନ ଗଜପତି ଆରକ୍ଷୀ ଅଧିକ୍ଷକ ସାର୍ଥକ ଷଡ଼ଙ୍ଗୀଙ୍କ ନିକଟରେ ଆତ୍ମସମର୍ପଣ କରିଥିଲେ। ହେଲେ ସରକାରୀ ପ୍ରତିଶ୍ରୁତି ହିସାବରେ କିଛି ଟଙ୍କା ମାତ୍ର ପାଇଥିବା ଅଭିଯୋଗ କରିଛନ୍ତି ଆରତୀ। ଆତ୍ମସମର୍ପଣ ନିୟମ ପ୍ରକାରେ ଯାଗା ଯୋଗାଇ ଦେବାର ବ୍ୟବସ୍ଥା ଥିଲେ ମଧ୍ୟ ସେ ଜାଗା ପାଇନଥିଲେ। ତେଣୁ ଚନ୍ଦ୍ରଗିରିରେ ଏକ ସରକାରୀ ଜାଗାକୁ ଦଖଲ କରି ରଖିଥିଲେ। କିନ୍ତୁ କିଛି ବ୍ୟକ୍ତି ସେହି ଘରକୁ ଭାଙ୍ଗି ନିଜ ଅତିଆରକୁ ନେଇ ଯାଇଛନ୍ତି। ତେଣୁ ବାଧ୍ୟ ହୋଇ ସ୍ୱାମୀଙ୍କ ସହ ସେ ଧାରଣାରେ ବସିଛନ୍ତି। ନ୍ୟାୟ ନମିଳିବା ଯାଏଁ ଧାରଣା ଅବ୍ୟାହତ ରହିବ ବୋଲି ସୂଚନା ଦେଇଛନ୍ତି ଆରତୀ।
Popular Categories
Previous article
Next article