ରାୟପୁର : ଉତ୍ତରପ୍ରଦେଶ କଂଗ୍ରେସ ଅଧ୍ୟକ୍ଷ ରାଜ ବବର ମାଓବାଦୀଙ୍କୁ କ୍ରାନ୍ତିକାରୀ କହିଛନ୍ତି। ସେ କହିଛନ୍ତି ଯେ ମାଓବାଦୀମାନେ କ୍ରାନ୍ତିକାରୀ, ସେମାନଙ୍କୁ ଡରାଇ କିମ୍ବା ଲୋଭ ଦେଖାଇ ଅଟକାଇ ହେବନି। ଗୁଳିରେ ସମାଧାନ ହୁଏନାହିଁ, ସେମାନଙ୍କ ପ୍ରଶ୍ନର ଉତ୍ତର ଦେବା ଆବଶ୍ୟକ।
ଛିିଶଗଡ଼ ରାୟପୁରଠାରେ ଶନିବାର ଏକ କାର୍ଯ୍ୟକ୍ରମରେ ଯୋଗଦେଇ ରାଜ ବବର ଏହା କହିଛନ୍ତି।
ସେ କହିଛନ୍ତି ଯେ ଯେଉଁ ଲୋକଙ୍କୁ ଅଧିକାର ମିଳେ ନି ଓ ଅଧିକାର ଛଡ଼ାଇ ନିଆଯାଏ ସେହି ଲୋକମାନେ ନିଜ ଅଧିକାର ପାଇବା ପାଇଁ ନିଜ ପ୍ରାଣ ବଳୀ ଦେଇଥାନ୍ତି। ଯେଉଁଲୋକ କ୍ରାନ୍ତିରୁ ବାହାରିଛନ୍ତି, ସେମାନଙ୍କୁ ସହଜରେ ଅଟକାଇ ହେବନି। ବନ୍ଧୁକରେ ନୁହେଁ କେବଳ କଥାବାର୍ତ୍ତାରୁ ସମାଧାନ ମିଳିବ। କ୍ରାନ୍ତି ବିଚାର ଏବଂ ବ୍ୟବହାରରୁ ହୋଇଥାଏ, ଅସ୍ତ୍ରରୁ ନୁହେଁ। ବନ୍ଧୁକ ଦ୍ୱାରା ପ୍ରଶ୍ନର ଉତ୍ତର ଖୋଜିବା ଆତଙ୍କବାଦ ଅଟେ। ପୂର୍ବରୁ ଆମେ ନେତାଙ୍କୁ ହରାଇଛେ। ହେଲେ ୧୩ ବର୍ଷ ପରେ ବି ରମଣ ସରକାର ଏ କ୍ଷେତ୍ରରେ ସମ୍ପୂର୍ଣ୍ଣ ବିଫଳ ରହିଛନ୍ତି ।
