ପଞ୍ଜାବର ତରନ୍ତାରନରେ ଥିବା ଗୁରୁଦ୍ୱାର ଶ୍ରୀ ଦରବାର ସାହିବଙ୍କ ପାର୍କିଂରୁ ମିଳିଲା ଅଫୁଟା ହ୍ୟାଣ୍ଡ ଗ୍ରିନେଡ୍
ଅମୃତସର- ପଞ୍ଜାବର ତରନ୍ତାରନରେ ଥିବା ଗୁରୁଦ୍ୱାର ଶ୍ରୀ ଦରବାର ସାହିବଙ୍କ ପାର୍କିଂରୁ ଏକ ଜୀବନ୍ତ ବୋମା ଜବତ କରାଯାଇଛି । ସେଠାରେ ସଫେଇ କାର୍ଯ୍ୟ ଚାଲିଥିବା ବେଳେ ଏହାକୁ ଦେଖିଥିଲେ । ତୁରନ୍ତ ପୁଲିସକୁ ଏ ବିଷୟରେ ସୂଚନା ଦିଆଯାଇଥିଲା । ପୁଲିସ ତୁରନ୍ତ ସେ ସ୍ଥାନରେ ପହଞ୍ଚି ଲୋକଙ୍କୁ ଖାଲି କରିଥିଲା ।
ବମ୍ ଡିସ୍ପୋଜାଲ୍ ସ୍କାଡ୍ ଘଟଣାସ୍ଥଳରେ ପହଞ୍ଚିଥିଲେ । ପଞ୍ଜାବର ଖାଲିସ୍ତାନ ସମର୍ଥକ ଅମୃତପାଲ୍ ସିଙ୍କୁ ପୁଲିସ ଖୋଜିବାର ଏକ ମାସ ପରେ ଏହି ଘଟଣା ସେହି ସ୍ଥାନରେ ଘଟିଛି । ଅମୃତପାଲ୍ ସିଂ ଏକ ପ୍ରାଇଭେଟ୍ ଆର୍ମି ଗଠନ କରିବା ସହ ବିଦେଶରୁ ବେଆଇନ୍ ଅସ୍ତ୍ରଶସ୍ତ୍ର ଏବଂ ବୋମା ଆଣିଥିଲେ । ପାକିସ୍ତାନ ଆଇଏସ୍ଆଇ ସହ ମଧ୍ୟ ତାଙ୍କର ସମ୍ପର୍କ ଥିବା କଥା ପଞ୍ଜାବ ପୁଲିସ୍ ତଥା ଗୁଇନ୍ଦା ସଂସ୍ଥାଙ୍କୁ ପ୍ରମାଣ ମିଳିଥିଲା । ସେ ମାନବ ବୋମା ତିଆରି କରିବା ସହ ବିଭିନ୍ନ ଯୁବକଙ୍କୁ ଆତଙ୍କବାଦୀ କାର୍ଯ୍ୟକଳାପା ପାଇଁ ଉସୁକାଥିବାର ଭିଡିଓ ଭାଇରାଲ୍ ହୋଇଥିଲା । ସେ ଖୋଲାଖୋଲି ଭାବେ ଖାଲିସ୍ତାନ ଦେଶ ଗଠନ ପାଇଁ ଦାବି କରିଥିଲେ । ପାକିସ୍ତାନ ତଥା କେତକ ବିଦେଶୀ ଶକ୍ତିଙ୍କ ସମର୍ଥନରେ ସେ ଏପରି କରୁଥିବା ପ୍ରମାଣ ମିଳିଛି ।
ପୁଲିସ ଏବେ ଏହି ଘଟଣାର ତଦନ୍ତ କରୁଛି ।
Comments are closed.