ଫୁଲବାଣୀ: ଫୁଲବାଣୀ ବନଖଣ୍ଡ ଅଧିନ ଫୁଲବାଣୀ ବନାଞ୍ଚଳର ବିଶିପଡା ସେକ୍ସନ ଅନ୍ତର୍ଗତ ଗୁମାଗଡ଼ ବିଟ୍ର ଚାଞ୍ଚରାପାଲି ଜଙ୍ଗଲ ଏବଂ ଗୁମାଗଡ଼ ସଂରକ୍ଷିତ ଜଙ୍ଗଲରେ ନିଆଁ ଲାଗିବା ଖବର ପାଇ ବିଶିପଡା ସେକ୍ସନ ଫରେଷ୍ଟର ମୋନାଲିସା ପଣ୍ଡାଙ୍କ ନେତୃତ୍ୱରେ ୪ଜଣିଆ ଟିମ୍ ମିଶି ଲାଗିଥିବା ଜଙ୍ଗଲ ନିଆଁକୁ ଆୟତ୍ତ କରିଛନ୍ତି। ତେବେ ଏଠାରେ ପ୍ରଶ୍ନ ଉଠୁଛି ବ୍ୟାପକ ଜନ ସଚେତନତା ସତ୍ତ୍ବେ ଜଙ୍ଗଲରେ ନିଆଁ ଲାଗୁଛି କିପରି ? ଏଣୁ ଅଧିକ ସଚେତନତାର ଆବଶ୍ୟକତା ରହିଛି ନିଶ୍ଚୟ। ବିଶିପଡା ସେକ୍ସନରେ ନୂତନ ଫରେଷ୍ଟର ଭାବେ ଯୋଗଦେଇଥିବା ମୋନାଲିସା ପଣ୍ଡା ବିଶେଷ କରି ବୃକ୍ଷରୋପଣ, ଜଙ୍ଗଲ ସୁରକ୍ଷା, ବନ୍ୟପ୍ରାଣୀ ସୁରକ୍ଷା, ଜଙ୍ଗଲରେ ନିଆଁ ଯେପରି ନ ଲାଗିବ ସେ ଦିଗରେ ଅଧିକ ଗୁରୁତ୍ୱ ଦେଇ କାର୍ଯ୍ୟ କରୁଥିବା ଦେଖାଯାଉଛି। ସେହିପରି ବନ ବିଭାଗ ପକ୍ଷରୁ ହାତକୁ ନିଆଯାଉଥିବା ବିଭିନ୍ନ କାର୍ଯ୍ୟକ୍ରମରେ ଯେପରି ଲୋକେ ସୁଫଳ ପାଇବେ ଓ ଆତ୍ମନିର୍ଭରଶୀଳ ହୋଇ ସମାଜର ମୁଖ୍ୟ ସ୍ରୋତରେ ସାମିଲ ହେବେ ସେଥିପାଇଁ ଫରେଷ୍ଟର ପଣ୍ଡା ନିଷ୍ଠା ଓ ଆନ୍ତରିକତାର ସହ କାର୍ଯ୍ୟ କରୁଥିବାରୁ ଲୋକେ ଖୁସି ଅନୁଭବ କରୁଥିବା ଦେଖାଯାଉଛି।
Popular Categories
Previous article
Next article