ନବରଙ୍ଗପୁର : ବେଆଇନ ପଥର ଚାଲାଣ ଅଭିଯୋଗରେ ନବରଙ୍ଗପୁର ଉପଜିଲାପାଳ ପ୍ରଶାନ୍ତ କୁମାର ରାଉତ ଡାବୁଗାଁ ବନଦୁର୍ଗ। କ୍ରସରର ମାଲିକ ପ୍ରଭାତ କୁମାର ବିଷୋୟୀଙ୍କୁ ୩୦ ହଜାର ଟଙ୍କା ଜୋରିମାନା କରିଛନ୍ତି । ବେଆଇନ ଭାବେ ପଥର ବୋଝେଇ ହୋଇଥିବା ନେଇ ଖବର ପାଇବା ପରେ ଉପଜିଲାପାଳ ଶ୍ରୀ ରାଉତ ପହଁଚି ପଥର ବୋଝେଇ ହୋଇଥିବା ଦଶ ଚକିଆ ଗାଡିକୁ ଜବତ କରିଥିଲେ । ଏଥିରେ ୧୬ ସି.ଏମ ପଥର ବୋଝେଇ ହୋଇଥିବା ଜଣାପଡିଥିଲା । ଛେଳିବେଡା ପଥର କୁଆରୀରୁ ବେନିୟମ ଭ।ବେ ଏହି ପଥର ନିୟମିତ ଭାବେ ନେଉଥିବା ଜଣାପଡିଥିଲା । ଉପଜିଲାପାଳ ଶ୍ରୀ ରାଉତ ତୁରନ୍ତ ତହସିଲଦାର ଓ ରାଜସ୍ୱ ନିରୀକ୍ଷକଙ୍କୁ ନିର୍ଦେଶ ଦେଇ ଜୋରିମାନା ଟଙ୍କା ଆଦାୟ କରିବାକୁ କହିଥିଲେ । ପରେ ସମସ୍ତ ଜୋରିମାନା ପୈଠ କରିବା ପରେ ଟ୍ରକକୁ ଛାଡି ଦିଆଯାଇଥିଲା । ତେବେ ଏହି ପଥର ଠିକା କାମରେ ନିୟୋଜିତ କରାଯାଉ ଥିବାବେଳେ କ୍ରସରରେ ମେଟାଲ ଓ ଚିପସ କରି ଅଧିକ ଦରରେ ବିକ୍ରି କରୁଥିବା ଅଭିଯୋଗ ହୋଇଛି । ବର୍ଷବର୍ଷ ଧରି ବେଆଇନ ଭ।ବେ ପଥର ନେଉଥିବାବେଳେ ଏହି କ୍ରସରର ତଦନ୍ତ କରାଗଲେ ପ୍ରକୃତ ସତ୍ୟାସତ୍ୟ ଲୋକଲୋଚନକୁ ଆସିପାରିବ ବୋଲି ଦୃଢ଼ ଦାବି ହେଉଛି ।
Popular Categories
Previous article
Next article