ଦେଓଗାଁ : ଦେଓଗାଁ ଥାନା ଅନ୍ତର୍ଗତ କୁଠୁର୍ଲାର ଗାଁରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। ଓଭର ହେଡ ପାଣି ଟାଙ୍କି ଉପରକୁ ଚଢି ଜଣେ ଯୁବକ ଆତ୍ମହତ୍ୟା ଉଦ୍ୟମ କରୁଥିବା ବେଳେ ଶ୍ୱାସରୁଦ୍ଧ ଅବସ୍ଥାରେ ପୁଲିସ ଓ ଅଗ୍ନିଶମ ବାହିନୀ ଉଦ୍ଧାର କରିଥିବା ଜଣାପଡ଼ିଛି। ଏହି ଯୁବକ ଜଣକ ସ୍କୁଲ ପଛପଟ ରେ ଥିବା ପିଇବା ପାଣି ଟାଙ୍କି ଉପରକୁ ଚଢି କଭର ଖୋଲି ଭିତରକୁ ପଶି ଲକ କରି ଦେଇଥିଲେ । ଏହି ଘଟଣା ଜଣାପଡିବା ପରେ ଗାଁରେ ଚାଞ୍ଚଲ୍ୟ ଖେଳି ଯାଇଥିଲା । ଏହା ପଛରେ ପ୍ରେମ ସମ୍ପର୍କ ଥିବା ଚର୍ଚ୍ଚା ହେଉଛି। ଘଟଣା ଜଣାପଡିବାର ଦୁଇ ଘଣ୍ଟା ପରେ ଶ୍ୱାସରୁଦ୍ଧ ଅବସ୍ଥାରେ ଦେଓଗାଁ ଅଗ୍ନିଶମ ବାହିନୀ ଉଦ୍ଧାର କରି ଦେଓଗାଁ ସରକାରୀ ହସ୍ପିଟାଲକୁ ନେଇଛି। ଉଦ୍ଧାର ହୋଇଥିବା ଯୁବକ କୁଠୁର୍ଲାର ପିଣ୍ଟୁ ହରପାଳ ବୋଲି ଜଣାପଡିଛି। ଘଟଣା ସ୍ଥଳରେ ଦେଓଗାଁ ପୁଲିସ ପହଞ୍ଚି ତଦନ୍ତ କରୁଛି । ଉଦ୍ଧାର ହୋଇଥିବା ଯୁବକଙ୍କ ସ୍ୱାସ୍ଥ୍ୟଅବସ୍ଥା ଠିକ ଥିବା ସୂଚନା ମିଳିଛି।
Comments are closed.