ଠାକୁରମୁଣ୍ଡା: କରଞ୍ଜିଆ ବନଖଣ୍ଡ ଠାକୁରମୁଣ୍ଡା ବନାଞ୍ଚଳ ଅନ୍ତର୍ଗତ ମିଟୁଆଣୀ ସଂରକ୍ଷିତ ଜଙ୍ଗଲରେ ଶିକାର ପାଇଁ ଯୋଜନା କରୁଥିବା ୨ ଶିକାରୀଙ୍କୁ ଗିରଫ କରିଛି ବନ ବିଭାଗ। ଘଟଣାରୁ ପ୍ରକାଶ ଯେ, କେଶଡିହା ସେକ୍ସନର ମିଟୁଆଣୀ ଜଙ୍ଗଲରେ କୁକୁଡ଼ା ଓ ଫାସ ନେଇ ୨ ଶିକାରୀ ଫାସ ବସାଇ ଜଙ୍ଗଲୀ କୁକୁଡ଼ା ଆଦି ଶିକାର ପାଇଁ ଯୋଜନା କରିଥିଲେ। କୁକୁଡ଼ା ଓ ଫାସ ସହ ଉଭୟ ଶିକାରୀଙ୍କୁ ବନ ବିଭାଗ ଗିରଫ କରି ରବିବାର କୋର୍ଟ ଚାଲାଣ କରିଛି।
ଶିକାରୀମାନେ ଶିକାର କରିବା ଉଦ୍ଦେଶ୍ୟରେ ଦୁଇଟି ଫାସ ସହିତ ଧନୁତୀର ଧରି ଅଭୟାରଣ୍ୟରେ ପ୍ରବେଶ କରିଥିବା ବେଳେ ପାଟ୍ରୋଲିଂ ପାର୍ଟି ହାବୁଡ଼ରେ ପଡ଼ିଥିଲେ। କିଛି ଦିନ ପୂର୍ବରୁ ମଧ୍ୟ ଏହି ବ୍ଲକ ସାତକୋଶିଆ ଅଞ୍ଚଳରୁ ୭ଜଣ ଶିକାରୀ ଗୋଟିଏ କୁଟୁରାକୁ ମାରି ଗାଁକୁ ଆସୁଥିବା ବେଳେ ବନବିଭାଗ ମାଡି ବସିଥିଲା। ବର୍ତ୍ତମାନ ଶିମିଳିପାଳ ଅଭୟାରଣ୍ୟରେ ଅଖଣ୍ଡ ଶିକାର କରିବା ପାଇଁ ଶିକାରୀମାନେ ଜଙ୍ଗଲକୁ ପ୍ରବେଶ କରୁଥିବାରୁ ଏହାକୁ ରୋକିବା ପାଇଁ ବନବିଭାଗ ନାକେଦମ ହେଲାଣି। ବିଭିନ୍ନ ସମୟରେ ବନବିଭାଗ ଅଖଣ୍ଡ ଶିକାର ନ କରିବା ପାଇଁ ଗାଁ ଗାଁରେ ସଚେତନ କରିଥିଲେ ମଧ୍ୟ ଶିକାର ରୋକିବାରେ ବିଫଳ ହୋଇଛି।
Comments are closed.