ରେଢ଼ାଖୋଲ: ରାଞ୍ଚି-ବିଜୟୱାଡା ରାଜପଥ ରେଢ଼ାଖୋଲ ଥାନା କଦଳୀଗଡ଼ଠାରେ ରବିବାର ଭୋର ସମୟରେ ଏକ ଟାଟା ଏସି ଗାଡ଼ି ଧକ୍କାରେ ଜଣଙ୍କର ମୃତ୍ୟୁ ଘଟିଛି। ମୃତକ ଜଣକ ହେଲେ କଦଳୀଗଡ଼ର ହାଡୁ ନାଏକ(୪୨)।
ସୂଚନା ଅନୁସାରେ, ଆଜି ଭୋରରୁ ହାଡୁ ମହୁଲ ସଂଗ୍ରହ ପାଇଁ ଯାଉଥିବା ବେଳେ ବୌଦ୍ଧ ପଟରୁ ଦ୍ରୁତ ଗତିରେ ଆସୁଥିବା ଏକ ଟାଟା ଏସି ଗାଡ଼ି ତାଙ୍କୁ ପଛରୁ ଧକ୍କା ଦେଇଥିଲା। ଫଳରେ ଘଟଣା ସ୍ଥଳରେ ତାଙ୍କ ମୃତ୍ୟୁ ହୋଇଥିଲା। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ ଜବତ କରି ବ୍ୟବଛେଦ ପାଇଁ ରେଢ଼ାଖୋଲ ଡାକ୍ତରଖାନାକୁ ଆଣିଛି। ଦୁର୍ଘଟଣା ଘଟାଇଥିବା ଗାଡ଼ି ଚାଳକଙ୍କୁ ଥାନାରେ ଅଟକ ରଖିଥିବା ଜଣାପଡ଼ିଛି।
Comments are closed.