ଲାଞ୍ଜିଗଡ : ପୁଷ୍ଟିକର ଓ ସୁସ୍ଥ ଖାଦ୍ୟର ଅଭ୍ୟାସ ନିମନ୍ତେ ମହିଳା ଓ ଶିଶୁ ବିକାଶ ବିଭାଗ ମନ୍ତ୍ରଣାଳୟର ନିର୍ଦେଶ କ୍ରମେ ଏକ ତିନି ଦିନିଆ ସଚେତନତା କାର୍ୟ୍ୟକ୍ରମ ଅନୁଷ୍ଠିତ ହୋଇଥିଲା। କୁଟିଆକନ୍ଧ ଉନ୍ନୟନ ସଂସ୍ଥା ତରଫରୁ ୫ ଟି ପଞ୍ଚାୟତର ୮ ଗୋଟି ମାତୃ ଓ ଶିଶୁ ପୋଷଣ କେନ୍ଦ୍ରରେ ଏହି କାର୍ୟ୍ୟକ୍ରମ ପାଳିତ ହୋଇଥିଲା । ଉକ୍ତ କାର୍ୟ୍ୟକ୍ରମ ସମସ୍ତ ଏସଏଚଜି ଦଳ, ଅଙ୍ଗନୱାଡି କର୍ମୀ ,ଆଶା କର୍ମୀ,ଗର୍ଭବତୀ ମହିଳା ଓ ପ୍ରସୂତି ମହିଳା ,କିଶୋରୀ ବାଳିକା ଗ୍ରାମ୍ୟ ଉନ୍ନୟନ କମିଟି ଏବଂ ଗ୍ରାମବାସୀ ଭାଗ ନେଇଥିଲେ । ଏହି ଅବସରରେ ଉତ୍ତମ ପୁଷ୍ଟିକର ଖାଦ୍ୟ ଓ ଏହାର ଉପକାରିତା ବିଷୟରେ ଆଲୋଚନା କରାଯାଇଥିଲା। ସୁସ୍ଥ ଭାରତ ଗଠନ ନିମନ୍ତେ ସମସ୍ତଙ୍କ ପାଇଁ ପୋଷଣର ଆବଶ୍ୟକତା ବିଷୟରେ ଆଲୋଚନା କରାଯାଇଥିଲା। ମହିଳା ମାନଙ୍କ ପାଇଁ ଡାଲି ଜାତୀୟ ଖାଦ୍ୟ ଅପପୁଷ୍ଟି ଦୂର କରେ ବୋଲି ସଚେତନତା କରାଯାଇଥିଲା। କୁଟିଆକନ୍ଧ ସଂସ୍ଥା କାର୍ୟ୍ୟାଳୟର ପୁଷ୍ଟିକର ସଂଯୋଜକ ମିନା ପାଣିଗ୍ରାହୀ ଓ ୫ ଟି ପଞ୍ଚାୟତର ପଞ୍ଚାୟତ ସଂଯୋଜକ ଅଙ୍କିତ ଦାଶ, ରଘୁ ମାଝି ,ସମୀର ଦିଗାଲ ,ସୁକାନ୍ତି ମାଝି ଓ ଯେମାମଣି ଚଣ୍ଡୀ ସହଯୋଗ କରିଥିଲେ।
Popular Categories
Previous article
Next article