ସମ୍ବଲପୁର : ସମ୍ବଲପୁରର ସିଟି ଷ୍ଟେସନରେ ରେଳ ଯୋଗେ ସୋମବାର ସନ୍ଧ୍ୟାରେ ପଶ୍ଚିମବଙ୍ଗ ରାଜ୍ୟର ଖଡଗପୁର ନିବାସୀ ଜମୁନା ଦାଶ ଆସି ଓହ୍ଲାଇଥିଲେ। ସେ ବୁର୍ଲା ମୁଣ୍ଡୋଘାଟ ନିବାସୀ ଅଟୋ ଚାଳକ ରାଜେଶ ଭୋସାଗରଙ୍କ ଅଟୋରେ ମାୟାବଗିଚା ସ୍ଥିତ ଭଉଣୀ ଘରକୁ ଯାଇଥିଲେ। ତେବେ ତରବରରେ ଜମୁନା ଦାସ ଅଟୋରେ ତାଙ୍କର ବ୍ୟାଗ, ଟଙ୍କା ଓ ମୋବାଇଲ ଛାଡି ଯାଇଥିଲେ। ପରବର୍ତ୍ତୀ ସମୟରେ ଅଟୋ ଚାଳକ ଜାଣିବା ପରେ ସମସ୍ତ ସାମଗ୍ରୀ ଓ ଟଙ୍କା ନେଇ ଧନୁପାଲି ଥାନାରେ ପ୍ରଦାନ କରିଥିଲେ। ଏହା ପରେ ପୁଲିସ ଜରିଆରେ ଜମୁନା ଦାସଙ୍କ ସହିତ ଯୋଗାଯୋଗ କରି ତାଙ୍କୁ ଧନୁପାଲି ପୁଲିସର ଉପସ୍ଥିତିରେ ଟଙ୍କା, ବ୍ୟାଗ ଓ ମୋବାଇଲ ଆଦି ଫେରସ୍ତ କରାଯାଇଥିଲା। ଅଟୋ ଚାଳକ ରାଜେଶ ଭୋସାଗରଙ୍କ ଏହି ମହାନ କାର୍ଯ୍ୟ ପାଇଁ ତାଙ୍କୁ ସବୁ ମହଲରେ ଉଚ୍ଚ ପ୍ରଶଂସା କରାଯାଉଥିବା ବେଳେ ଜମୁନା ଦାସ ତାଙ୍କୁ କୃତଜ୍ଞତା ଜ୍ଞାପନ କରିଛନ୍ତି।
Comments are closed.