ନୀଳଗିରି: ବାଲେଶ୍ବର ଜିଲ୍ଲା ନୀଳଗିରି ଥାନା ଅନ୍ତର୍ଗତ ଜାମୁଡ଼ିସାହିରେ ଏକ ଅଭାବନୀୟ ଘଟଣା ଦେଖିବାକୁ ମିଳିଛି। କୋର୍ଟ ରୁ ଆସିଥିବା ସମନ୍ ଦେବାକୁ ପୁଲିସ ପଦ୍ମଲୋଚନ ପାତ୍ର ନାମକ ଜଣେ ବାବାଙ୍କ ପାଖକୁ ଯାଇଥିଲା। ପୁଲିସକୁ ଦେଖି ଏହି ଅଭିଯୁକ୍ତ ବାବା ଜଣକ ସେମାନଙ୍କୁ କଟୁରୀରେ ଆକ୍ରମଣ କରିଥିଲା। ଦୀର୍ଘ ଘଣ୍ଟାର ଖଣ୍ଡଯୁଦ୍ଧ ପରେ ବାବାକୁ କାବୁ କରାଯାଇଛି। ସେପଟେ ଏହି ଆକ୍ରମଣରେ ନୀଳଗିରି ଥାନା ଏସ୍ଆଇ ବିରଞ୍ଚି ସାହୁ, ଏଏସ୍ଆଇ ପ୍ରବୋଧ ମଲିକ, ଅନନ୍ତ ମୁର୍ମୁ, କନଷ୍ଟେବଳ ଅର୍ଜୁ ମାଡ଼ିଙ୍ଗା ଓ ଦୀପକ ପ୍ରଧାନ ଲହୁ ଲୁହାଣ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି। ସୂଚନା ଯେ ଅଭିଯୁକ୍ତ ବାବା ଜଣକ ୨୦୨୧ ମସିହାରେ ଏକ ହତ୍ୟା ଉଦ୍ୟମ ମାମଲାରେ ଜଡ଼ିତ ଥିଲେ। ସେ ପୂର୍ବରୁ ପୁଲିସ ଗାଡ଼ିକୁ ଭଙ୍ଗାରୁଜା ମଧ୍ୟ କରିଥିଲା। ଏନେଇ ନୀଳଗିରି ଆଇଆଇସି ଗୋପାଳ କର୍ଣ୍ଣ ଅଧୀକ ତଦନ୍ତ କରୁଥିବା ସୂଚନା ମିଳିଛି।
Popular Categories
Previous article
Next article