ପାଟଣା : କେନ୍ଦୁଝର ଜିଲା ପାଟଣା ବ୍ଲକ ତୁରୁମୁଙ୍ଗା ପଞ୍ଚାୟତ ହାତୀବାରି ମୌଜାର କାଜୁ ଜଂଗଲ ଭିତରେ ଥିବା ସରକାରୀ ସ୍ୱୀକୃତି ପ୍ରାପ୍ତ ମଦ ଭାଟିକୁ ବନ୍ଦ ସହ ସ୍ଥାନାନ୍ତର ଦାବିରେ ବୁଧବାର ଅପରାହ୍ନରେ ହାତୀବାରୀ ଗ୍ରାମର ୧୬ ଟି ସ୍ୱୟଂ ସହାୟକ ଗୋଷ୍ଠୀର ଶତାଧିକ ମହିଳା ମାନେ ଏକଜୁଟ ହୋଇ ଠେଙ୍ଗା ବାଡ଼ି ଧରି ଭାଟି ସମ୍ମୁଖରେ ଧାରଣାରେ ବସିବା ସହ ହୋହାଲ୍ଲା କରିଛନ୍ତି। ଅଭିଯୋଗ ଅନୁଯାୟୀ ଏଠାରେ ଥିବା ଭାଟି ରୁ ଗ୍ରାମର ପୁରୁଷ ଓ ଯୁବକ ମାନେ ମଦ ପିଇବା ଫଳରେ ଘରେ ଅଶାନ୍ତି ହେବା ସହ ନାନା ରୋଗରେ ପଡ଼ି ଯୁବାବସ୍ଥାରେ ଅକାଳରେ ମୃତ୍ୟୁ ବରଣ କରୁଛନ୍ତି । ତୁରନ୍ତ ମଦ ଭାଟିକୁ ବନ୍ଦ କରି ଏଠାରୁ ସ୍ଥାନାନ୍ତର ଦାବି କରିଛନ୍ତି ମହିଳା ମାନେ। ତେବେ ମହିଳା ମାନଙ୍କ ଏକଜୁଟ ଖବର ପାଇ ଭାଟି କର୍ମଚାରୀ ଚାବି ପକାଇ ଘଟଣା ସ୍ଥଳରୁ ଫେରାର ହୋଇଯାଇଥିଲେ। ଖବର ପାଇ ଘଟଣା ସ୍ଥଳରେ ତୁରୁମୁଙ୍ଗା ପୁଲିସ ପହଞ୍ଚି ବୁଝାସୁଝା କରିଥିଲେ ମଧ୍ୟ ମହିଳା ମାନେ ନିଜ ଜିଦରେ ଅଟଳ ରହିଛନ୍ତି। ଏଠାରୁ ମଦ ଭାଟି ସ୍ଥାନାନ୍ତର ନହେଲେ ରାଜରାସ୍ତା ଅବରୋଧ କରିବେ ବୋଲି ମହିଳା ମାନେ ଚେତାବନୀ ଦେଇଛନ୍ତି।
Popular Categories
Previous article
Next article