ଇସ୍ତାନବୁଲ: ୱାଶିଂଟନ ପୋଷ୍ଟ ସାମ୍ବାଦିକ ଜମାଲ ଖାସୋଗିଙ୍କୁ ସାଉଦି ଦୂତାବାସ ମଧ୍ୟରେ ହତ୍ୟା କରାଯିବା ପରେ ତାଙ୍କ ଶରୀରକୁ ଖଣ୍ଡବିଖଣ୍ଡିତ କରିଦିଆଯାଇଥିଲା ବୋଲି ତୁର୍କୀର ସରକାରୀ ଓକିଲ କହିଛନ୍ତି। ମୃତଦେହକୁ ନଷ୍ଟ କରିବା ଉଦେଶ୍ୟରେ ଶରୀରକୁ ଖଣ୍ଡବିଖଣ୍ଡ କରାଯାଇଥିଲା। ଏପରି କି ଦୂତାବାସ ମଧ୍ୟରେ ପହଞ୍ଚିବା ମାତ୍ରେ ତାଙ୍କୁ ଗଳା ଚିପି ହତ୍ୟା କରାଯାଇଥିଲା ବୋଲି ତୁର୍କୀର ସରକାରଙ୍କ ମୁଖ୍ୟ ଓକିଲ ଇର୍ଫାନ ଫିଦାନ କହିଛନ୍ତି। ତୁର୍କୀରେ ଥିବା ତାଙ୍କ ଭାବି ପତ୍ନୀଙ୍କୁ ବିବାହ କରିବା ଲାଗି ଆବଶ୍ୟକ କାଗଜପତ୍ର ସଂଗ୍ରହ ଉଦ୍ଦେଶ୍ୟରେ ଖାସୋଗି ଅକ୍ଟୋବର ୨ରେ ତୁର୍କୀର ରାଜଧାନୀ ଇସ୍ତାନବୁଲ୍ସ୍ଥିତ ସାଉଦି ଆରବ ଦୂତାବାସକୁ ଯାଇଥିଲେ। ଏହି ସମୟରେ ଖାସୋଗିଙ୍କୁ ହତ୍ୟା କରାଯାଇଥିଲା। ଖାସୋଗି ସାଉଦି ଆରବର ନାଗରିକ ହୋଇଥିବାବେଳେ ସେ ଆମେରିକାରେ ଆତ୍ମନିର୍ବାସନରେ ରହୁଥିଲେ। ସେଠାରେ ସେ ୱାଶିଂଟନ ପୋଷ୍ଟରେ ସାମ୍ବାଦିକ ଭାବେ କାର୍ଯ୍ୟ କରୁଥିଲେ। ଖାସୋଗିଙ୍କ ହତ୍ୟାକୁ ନେଇ ବିଶ୍ୱବ୍ୟାପୀ ଚର୍ଚ୍ଚା ଲାଗି ରହିଥିବାବେଳେ ସାଉଦି ଆରବ ବିଭିନ୍ନ କଟକଣାର ସମ୍ମୁଖୀନ ହେବାରେ ଲାଗିଛି।
ତଣ୍ଟି ଚିପି ଖାସୋଗିଙ୍କୁ କରାଯାଇ ଥିଲା ହତ୍ୟା; ମୃତ୍ୟୁ ପରେ ଶରୀରକୁ କରିଦିଆଯାଇଥିଲା ଖଣ୍ଡଖଣ୍ଡ
Popular Categories
Previous article
Next article