ଗୋପାଳପୁର : ଗୋଳନ୍ଥରା ପୁଲିସକୁ ମିଳିଛି ଏକ ବଡ଼ ସଫଳତା । ପୁଲିସ ଆଗରେ ଧୂଳି ଦେଇ ଫେରାର ଥିବା ୩ ଦୁର୍ଦ୍ଦାନ୍ତ ଅପରାଧୀ ଡକାୟତି ଯୋଜନା ପାଇଁ ପ୍ରସ୍ତୁତ ହେଉଥିବା ବେଳେ ପୁଲିସ କବଜାରେ ପଡ଼ି ଜେଲ ଯିବାକୁ ପଡ଼ିଛି। ଗିରଫ ଡ଼କାୟତ ମାନେ ହେଲେ ଜୁଗୁଡିର ଶଙ୍କର ଗୌଡ଼, ମେଦିନୀପୁରର ନିଗମ ପ୍ରଧାନ ଓ ଗୌତମ ପ୍ରଧାନ ବୋଲି ପୁଲିସ ସୂଚନା ଦେଇଛି। ସେମାନଙ୍କ ନିକଟରୁ ୩ ଟି ଦେଶୀ ବୋମା, ୨ ଟି ଲୁହା ଛଡ଼, ଗୋଟିଏ ଖଣ୍ଡା ସହ ମଦ ବୋତଲ ଜବତ ହୋଇଛି। ରାତିରେ କିଛି ଯୁବକ ବ୍ରହ୍ମପୁର ଚିକିଟି ରାସ୍ତାର ଘଟକେଶ୍ବର ଛକ ଠାରେ ଥିବା ଏକ ନିଛାଟିଆ ସ୍ଥାନରେ ବସି ରହିଥିବା ଖବର ପାଇ ଥାନା ଏଏସଆଇ ଗୁଣନିଧି ରାଉତ ଓ ଏକ ଦଳ ସେଠାରେ ଚଢଉ କରିଥିଲେ। ଚଢଉ ସମୟରେ ଅନ୍ଧାରର ସୁଯୋଗ ନେଇ କେତେକ ଖସି ଯାଇଥିବା ବେଳେ ଉପରୋକ୍ତ ୩ ଅଭିଯୁକ୍ତ ପୁଲିସ ହାତରେ ଧରାପଡ଼ିଥିଲେ। ଘଟଣା ନେଇ ପୁଲିସ ପକ୍ଷରୁ ଏକ ମାମଲା ରୁଜୁ ସହ ୩ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।
Popular Categories
Previous article
Next article