ନବରଙ୍ଗପୁର: ଜୈନ ଅଖିଳ ଭାରତୀୟ ତେରପନ୍ଥ ମହିଳା ମଣ୍ଡଳର ତତ୍ତ୍ୱାବଧାନରେ ନବରଙ୍ଗପୁର ଜୈନ ତେରପନ୍ଥ ମହିଳା ମଣ୍ଡଳ ମଙ୍ଗଳବାର ଦିନ ଅନ୍ତର୍ଜାତୀୟ ମହିଳା ଦିବସର ଗୌରବ ମୟ ଅବସରରେ ପ୍ରେରଣା ପୁରସ୍କାର ଓ ତାଳମେଳ କାର୍ଯକ୍ରମର ସଫଳତାର ସହିତ ଆୟୋଜନ କରିଥିଲେ। ମଣ୍ଡଳ ସଭାପତି ବ୍ରିଜଲତା ଜୈନ କାର୍ଯ୍ୟକ୍ରମରେ ଉପସ୍ଥିତ ଥିବା ସମସ୍ତ ଅତିଥିଙ୍କୁ ଅଭିନନ୍ଦନ ଜଣାଇଥିଲେ ଏବଂ ତାଙ୍କ ଅଭିଭାଷଣରେ ଅନ୍ତର୍ଜାତୀୟ ମହିଳା ଦିବସ ଅବସରରେ ଭଉଣୀମାନଙ୍କୁ ତାଙ୍କ ଭାବନା ଏବଂ ଶୁଭେଚ୍ଛା ଜଣାଇଥିଲେ। ଏହା ପରେ ଆଜିର କାର୍ଯ୍ୟକ୍ରମର ସ୍ୱତନ୍ତ୍ର ଅତିଥି, ଭାରତୀୟ ପୁଲିସ ପ୍ରଶାସନର ଜଣେ ଉଲ୍ଲେଖନୀୟ ସେବା ଅଧିକାରୀ ତଥା ନବରଙ୍ଗପୁର ଆରକ୍ଷୀ ଅଧିକ୍ଷକ ଏସ.ସୁଶ୍ରୀ ଙ୍କୁ ପ୍ରେରଣା ସମ୍ମାନ ଦେଇ ସମ୍ମାନୀତ କରାଯାଇଥିଲା। ଏହି ଅବସର ରେ ଆରକ୍ଷୀ ଅଧିକ୍ଷକ କହିଛନ୍ତି ଯେ, ଆଜିର ମହିଳାମାନେ ସକ୍ଷମ ଏବଂ ସଶକ୍ତ ଏବଂ ସେମାନଙ୍କର ପରିବାର ଏବଂ ସାମାଜିକ ଦାୟିତ୍ଵ ପୂରଣ କରିବାବେଳେ ପ୍ରତ୍ୟେକ କ୍ଷେତ୍ରରେ ଅଗ୍ରଗତି କରୁଛନ୍ତି। ମହିଳା ମଣ୍ଡଳର ସଦସ୍ୟା ବିନ୍ଦୀୟା ଜୈନ ପ୍ରେରଣା ସମ୍ମାନ ପତ୍ର ପଢ଼ି ଶୁଣାଇ ଥିଲେ। ଆନ୍ତର୍ଜାତୀୟ ମହିଳା ଦିବସ ଏବଂ ମହିଳା ସଶକ୍ତିକରଣ ଉପରେ ବବି ଜୈନ ନିଜର ମତ ରଖିଥିଲେ।
Popular Categories
Previous article
Next article