ଲଡୁଗାଁ: କଳାହାଣ୍ଡି ଜିଲ୍ଲା କୋକସରା ବ୍ଲକ ଖୁଣ୍ଟିଆ ଗ୍ରାମର ଜଣେ ଯୁବକର ହାଇଦ୍ରାବାଦ ନିକଟରେ ଥିବା ଟ୍ରେନ ଲାଇନରେ ରକ୍ତାକ୍ତ ଅବସ୍ଥାରେ ମୃତ ଶରୀର ପଡି ରହିଥିବା ସ୍ଥାନୀୟ ଲୋକେ ଦେଖି ପୋଲିସକୁ ଖବର ଦେଇଥିଲେ। ଏ ନେଇ ସେଠିକାର ଜିଆରପି ପୋଲିସ ନିକଟରେ ଖବର ପହଞ୍ଚିବା ପରେ ଯୁବକର ଶବ ଜବତ କରିଥିବା ଜଣାପଡିଛି। ମୃତ ଯୁବକ ନିକଟରେ ଥିବା ଆଧାର ଓ ପାନ କାର୍ଡରୁ ପରିଚୟ ପାଇ ପରିବାର ଲୋକଙ୍କୁ ଫୋନ ଯୋଗେ ପୋଲିସ ସୁଚନା ଦେଇଥିଲେ। ସୂଚନାମତେ ଯୁବକ ଜଣକ ହେଉଛନ୍ତି କଳାହାଣ୍ଡି ଜିଲ୍ଲା କୋକସରା ବ୍ଲକ ଖୁଣ୍ଟିଆ ଗ୍ରାମର ଦେବାନନ୍ଦ ପୁଝାରି (୨୭)। ଦେବାନନ୍ଦ ୨ ମାସ ତଳେ ଦାଦନ ଖଟିବାକୁ ହାଇଦ୍ରାବାଦ ଯାଇଥିବା ବେଳେ ଗୁରୁବାର ସନ୍ଧ୍ୟାରେ ଏ ଅଘଟଣ ଘଟିଥିବା ଜଣାପଡ଼ିଛି। ତେବେ କେଉଁ କାରଣରୁ ଯୁବକର ମୃତ୍ୟୁ ହୋଇଛି ଏହା ହତ୍ୟା ନା ଆତ୍ମହତ୍ୟା, ନା ଆଉ କିଛି ରହସ୍ୟ ଅଛି ତାହା ଏ ଯାଏଁ ଅସ୍ପଷ୍ଟ ରହିଛି। ଭେଣ୍ଡିଆ ପୁଅର ମୃତ ଖବର ଶୁଣି ପରିବାର ଲୋକେ ଦୁଃଖରେ ମର୍ମାହତ ହୋଇ ପଡିଛନ୍ତି। ତେବେ ଖବର ମିଳିବା ପରେ ପରିବାର ଲୋକେ ଶବ ଆଣିବାକୁ ହାଇଦ୍ରାବାଦ ଯାଇଥିବା ଜଣାପଡିଛି।
Popular Categories
Previous article
Next article