ଧାମରା : ଧାମରାରେ ଟାଟା ଗ୍ରୁପ ଅଫ କମ୍ପାନୀ ପକ୍ଷରୁ ଧାମରା ମନ୍ଦିର ନିକଟବର୍ତୀ ଇଲାକାରେ ବ୍ୟାପକ ଚାରା ରୋପଣ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମଟି ଟାଟା ଗ୍ରୁପ ଅଫ କମ୍ପାନୀର (ଟିଏମଆଇଏଲ)ସିଏସଆର କାର୍ଯ୍ୟକ୍ରମରେ ଅର୍ନ୍ତଭୁକ୍ତ। ଏହି କାର୍ଯ୍ୟକ୍ରମରେ ନଡିଆ, ଲିମ୍ବ, ମହାଲିମ୍ବ, ଆମ୍ବ, ପଣସ ପ୍ରଭୃତି ୨୫୦ଚାରା ରୋପଣ କରିଥିଲେ। ଆଗାମୀ ଦିନରେ ଟାଟା ଗ୍ରୁପ ଅଫ କମ୍ପାନୀଜ ପକ୍ଷରୁ ସିଏସଆର(ସାମାଜିକ ଦାୟିତ୍ୱ ଏବଂ ନ୍ୟାୟବୋଧ) କାର୍ଯ୍ୟକ୍ରମରେ ଧାମରା ଆଠ ପଂଚାୟତରେ ବିଭିନ୍ନ ଜନହିତକର କାର୍ଯ୍ୟକ୍ରମ ମାନ କରାଯିବ ବୋଲି ଉପସ୍ଥିତ ଥିବା ବ୍ୟକ୍ତି ମାନେ ମତ ପ୍ରକାଶ କରିଥିଲେ। ଏହି କାର୍ଯ୍ୟକ୍ରମରେ ଟିଏମଆଇଏଲ ର ପ୍ରକଳ୍ପ ନିର୍ଦେଶକ ସୁରଜ ବେହେରା, ଭିପି ଦେବଜିତ ସାମନ୍ତ, ପାରାଦ୍ୱୀପ ପ୍ରକଳ୍ପର ନିର୍ଦେଶକ ଅଭୟାନନ୍ଦ ଏବଂ ମା ଧାମରାଇ ମନ୍ଦିର କମିଟି ପକ୍ଷରୁ କୈଳାସ ଦାସ, ଶରତ ଦଳେଇ,ନିତ୍ୟାନନ୍ଦ ବେହେରା, ପ୍ରିୟରଞ୍ଜନ ଜେନା, ବଳଭଦ୍ର ଲେଙ୍କା, ସୁଶାନ୍ତ ମାଝୀ ପ୍ରମୁଖ ଉପସ୍ଥିତ ଥିବା ବେଳେ ଏହି ଚାରା ରୋପଣରେ ସହାୟତା କରିଥିଲେ ବୋଲି ଟିଏମଆଇଏଲର ପ୍ରକଳ୍ପ ନିର୍ଦେଶକ ସୁରଜ ବେହେରା ପ୍ରକାଶ କରିଛନ୍ତି।
