ନବରଙ୍ଗପୁର: ନବରଙ୍ଗପୁର ଜିଲାର ଇତିହାସରେ ପ୍ରଥମ ଥର ପାଇଁ କିନ୍ନରଙ୍କୁ ଶ୍ରମିକ ପରିଚୟ ପତ୍ର ପ୍ରଦାନ କରାଯାଇଛି। ଜିଲା କିନ୍ନର ସଂଘର ଅଧ୍ୟକ୍ଷ ମନୋଜ କୁମାର ପଟ୍ଟନାୟକଙ୍କ ଅନୁରୋଧକ୍ରମେ ଜିଲାପାଳ ଡକ୍ଟର କମଳ ଲୋଚନ ମିଶ୍ର ଦେଇଥିବା ପ୍ରତିଶ୍ରୁତି ଅନୁଯାୟୀ ଜିଲାର କିନ୍ନରମାନେ ଶ୍ରମିକ ପରିଚୟ ପତ୍ର ପାଇଥିବାରୁ ଜିଲା କିନ୍ନର ସଂଘର ସମସ୍ତ ସଦସ୍ୟ ଜିଲାପାଳଙ୍କୁ କୃତଜ୍ଞତା ଜ୍ଞାପନ କରିଛନ୍ତି। ଜିଲା ଶ୍ରମ ଅଧିକାରୀ ରଞ୍ଜନ କିଶୋର ବେହେରାଙ୍କ କରକମଳରେ ହିତାଧିକାରୀଙ୍କୁ ପ୍ରମାଣ ପତ୍ର ପ୍ରଦାନ କରାଯାଇଛି। ଏହି ଅବସରରେ କିନ୍ନର ସଙ୍ଘର କାର୍ଯ୍ୟନିର୍ବାହୀ ସଭ୍ୟ କୃଷ୍ଣ ପ୍ରସାଦ ରଥ ଉପସ୍ଥିତ ଥିଲେ। ଏପରି ଏକ ମହାନ କାର୍ଯ୍ୟରେ ସହଯୋଗ କରିଥିବାରୁ ଜିଲାପାଳଙ୍କ ବ୍ୟକ୍ତିଗତ ସହାୟକ ଏ. ସୁରେଶ, ଅନ୍ୟତମ ସହାୟକ ଶିବ କେଶବ, ସୁରେଶ ମହାନ୍ତି ଏବଂ ଠିକାଦାର ଆଶିଷ କୁମାର ପଟ୍ଟନାୟକଙ୍କୁ ସଂଘ ପକ୍ଷରୁ ଧନ୍ୟବାଦ ଜ୍ଞାପନ କରାଯାଇଛି। ଏହି କାର୍ଯ୍ୟକ୍ରମରେ ଜିଲା ସମନ୍ୱୟ ଅଧିକାରୀ ମୋହନ କୁମାର ସମେଶ ଏବଂ ଅନ୍ୟ ସମସ୍ତ କର୍ମଚାରୀ ଉପସ୍ଥିତ ଥିଲେ।
Popular Categories
Previous article
Next article