ସମ୍ବଲପୁର– ସମ୍ବଲପୁର ଜିଆରପି ଥାନା ଅର୍ନ୍ତଗତ ବରଗଡ ଜିଲା ବରପାଲି ଦେଇ ଯାଇଥିବା ରେଳ ଧାରଣା କଡରେ ଥିବା ବୁଦାରୁ ଏକ ମୃତଦେହ ପୁଲିସ ଉଦ୍ଧାର କରିଛି । ଶୁକ୍ରବାର ଜିଆରପି ପକ୍ଷରୁ ମିଳିଥିବା ସୂଚନାନୂଯାୟୀ, ସମ୍ବଲପୁର ଜିଲା ଧମା ଥାନା ଅର୍ନ୍ତଗତ ଦେଗାଁ ନିବାସୀ ଶିବଲାଲ ପାଣ୍ଡେ (୫୨) ତାମିଲନାଡୁର ଚେନ୍ନାଇ ରୁ ରେଳ ଯୋଗେ ସମ୍ବଲପୁରକୁ ଫେରୁଥିବା ବେଳେ ବରଗଡ – ବରପାଲି ଷ୍ଟେସନ ମଧ୍ୟରେ ବରପାଲି ନିକଟରେ ରେଳଗାଡିରୁ ଖସି ପଡିଥିଲେ ।
ଏଣୁ ତାଙ୍କୁ ଘଟଣାସ୍ଥଳରେ ମୃତ୍ୟୁ ହୋଇଥିଲା । ଜିଆରପି ପୁଲିସ ଖବର ପାଇ ବରପାଲି – ବରଗଡ ମଧ୍ୟରେ ଥିବା ରେଳ ଧାରଣା କଡର ଏକ ବୁଦା ମଧ୍ୟରୁ ତାଙ୍କ ମୃତଦେହ ଉଦ୍ଧାର କରିଛି । ମୃତଦେହ ଉଦ୍ଧାର ପରେ ଶବ ବ୍ୟବଚ୍ଛେଦ ପାଇଁ ଜିଆରପି ପ୍ରେରଣ କରିଥିବା ବେଳେ ଆଇନ ଅନୁଯାୟୀ ପଦକ୍ଷେପ ନିଆଯାଉଛି ବୋଲି କହିଛି ।
