ଗୁରୁଡିଝାଟିଆ : ଗୁରୁଡିଝାଟିଆ ଥାନା ଅନ୍ତର୍ଗତ ଓରନ୍ଦା ଗ୍ରାମର ସମ୍ବେଶ୍ୱର ମନ୍ଦିର ପରିସରରେ ମା ଗୌରୀଙ୍କ ନୂତନ ବିଗ୍ରହ ଓ ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି । ଯାଜ୍ଞିକ ବ୍ରାହ୍ମଣଙ୍କ ଦ୍ୱାରା ମନ୍ଦିର ପ୍ରତିଷ୍ଠା ଓ ନୂତନ ବିଗ୍ରହ ସ୍ଥାପନ ଶାସ୍ତ୍ରୀୟ ବିଧିମୁତାବକ ଅନୁଷ୍ଠିତ ହୋଇଥିବା ବେଳେ ୩ଦିନ ଧରି ଯଜ୍ଞ ଅନୁଷ୍ଠିତ ହୋଇଥିଲା। ଗାଁର ମୁରବୀ ତଥା ବିଶିଷ୍ଟ ଶଲ୍ୟ ଚିକିତ୍ସକ ଭାଗିରଥି ପରିଡା, ମୁରଲୀଧର ବେଉରା, ଅଭୟ କୁମାର ସାମଲ ଓ ପ୍ରେମାନନ୍ଦ ବେଉରା କର୍ତ୍ତା ଭାବରେ କାର୍ଯ୍ୟ ସଂପାଦନ କରିଥିଲେ । ଗାଁର ନରେନ୍ଦ୍ର ସ୍ୱାଇଁ, ବିଶ୍ୱଜିତ୍ ପ୍ରଧାନ, ନିରଞ୍ଜନ ନାୟକ, ମହେନ୍ଦ୍ର ସାହୁ, ଅରୁଣୀ ସାମଲ, ଗତିକୃଷ୍ଣ ବେଉରା, ଗୌତମ ବେହେରା ପ୍ରମୁଖ ଯୁବକ ଓ ମୁରବୀମାନେ ଉପସ୍ଥିତ ରହି ନୂତନ ବିଗ୍ରହ, ମନ୍ଦିର ପ୍ରତିଷ୍ଠା ଓ ଯଜ୍ଞକାର୍ଯ୍ୟରେ ସକ୍ରିୟ ଅଂଶଗ୍ରହଣ କରିଥିଲେ ।
Comments are closed.