ପାରଳାଖେମୁଣ୍ଡି : ଜିଲ୍ଲା ସଦର ମହକୁମା ପାରଳାଖେମୁଣ୍ଡି ନିକଟସ୍ଥ ବେତାଗୁଡା ଠାରେ ଥିବା ନବୋଦୟ ବିଦ୍ୟାଳୟରୁ ଆଜି ଏକ ଅଭାବନୀୟ ଘଟଣା ସାମ୍ନାକୁ ଆସିଛି । ଏହି ବିଦ୍ୟାଳୟର ନବମ ଶ୍ରେଣୀରେ ପଢୁଥିବା ଜଣେ ନାବାଳିକାଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି। ସେ ଗଜପତି ଜିଲ୍ଲା କାଶୀନଗର ବ୍ଲକ ଅଲଡା ଗ୍ରାମର ବୋଲି ପ୍ରାଥମିକ ତନନ୍ତରୁ ଜଣାପଡିଛି। ନାବାଳିକାଙ୍କ ସନ୍ଦେହ ଜନକ ମୃତ୍ୟୁ ଘଟିଛି । ବିଦ୍ୟାଳୟ କର୍ତ୍ତୁପକ୍ଷ କହିଛନ୍ତି, ଉକ୍ତ ନାବାଳିକାଙ୍କ ମୃତଦେହ ଝୁଲନ୍ତା ଅବସ୍ଥାରେ ବେକରେ ବେଡସିଟ୍ ଲଗାଇ ଥିବା ଭୋର ୫ଟାରେ ଦେଖାଯାଇଥିଲା। ଏହାପରେ ସେମାନେ ତାଙ୍କୁ ପାରଳାଖେମୁଣ୍ଡି ଜିଲ୍ଲା ମୂଖ୍ୟ ଚିକିତ୍ସାଳୟକୁ ଚିକିତ୍ସା ପାଇଁ ଆଣିଥିଲେ।
ସେପଟେ ଏହା ଏକ ହତ୍ୟା ଘଟଣା ଓ ଏହାର କ୍ରାଇମବ୍ରାଞ୍ଚ ତଦନ୍ତ ପାଇଁ ଦାବୀ କରିବା ସହ ଏକ ଏଫଆଇଆର ଦାୟର କରିଛନ୍ତି ଛାତ୍ରୀଙ୍କ ବାପା । ଯାହାକୁ ନେଇ ପାରଲାଖେମୁଣ୍ଡି ପୁଲିସ ଏକ ହତ୍ୟା ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।
Comments are closed.